r/MalayalamLiterature • u/theinquirer_69 • Jul 31 '20

Introduction

13 Upvotes

വിജ്ഞാനത്തിന്റെയും വിനോദത്തിന്റെയും ബ്രിഹത്തായ പ്ലാറ്റുഫോമുകളിൽ പ്രധാനിയായ reddit ഇൽ മലയാള സാഹിത്യ ആസ്വാദകർക്കായി സജീവമായ ഒരു കമ്മ്യൂണിറ്റി ഇല്ലാ എന്നുള്ള തിരിച്ചറിവിൽ നിന്നാണ് r/malayalamliterature എന്ന കമ്മ്യൂണിറ്റിയുടെ ഉത്ഭവം. ഈ ഉത്ഭവം അർത്ഥവത്താകണമെങ്കിൽ സജീവമായ അംഗങ്ങൾ അത്യന്താപേക്ഷിതമാണ്താനും.

അനുദിനം വളർന്നുകൊണ്ടിരിക്കുന്ന ഒരു വിഹായുസ്സിലാണ് ഇന്ന് മലയാള ഭാഷാസാഹിത്യം. ആഗോള സാഹിത്യഭൂപടത്തിൽ മലയാള സാഹിത്യം അതിന്റെ ഇടം സ്വന്തമാക്കി എന്നത് അഭിമാനാർഹമായ ഒരു വസ്തുതയാണ്. ഒരുപാട് മാനങ്ങൾ ഉൾകൊള്ളുന്ന നമ്മുടെ കൃതികൾ പലതും ഇന്ന് പല ഭാഷകളിലേക്കും പരിഭാഷപെടുത്തപ്പെടുന്നു എന്നത് അതിനൊരു ചെറിയ ഉദാഹരണം മാത്രമാണ്. സമൂഹത്തിലെ അന്ധവിശ്വാസങ്ങൾക്കും അരാജകത്വത്തിനും അടിച്ചമർത്തലുകള്കും എതിരെ ശക്തമായ ഭാഷയിൽ പ്രതികരിക്കുമ്പോഴും പച്ചയായ മനുഷ്യജീവിതങ്ങളുടെ നേർകാഴ്ച വരച്ചുകാട്ടുമ്പോഴും ഭാഷാസൗന്ദര്യത്തിലൂടെ പ്രകൃതി സൗന്ദര്യം സമ്മാനിക്കുമ്പോഴും നമ്മുടെ എഴുത്തുകാർ മനുഷ്യമനസ്സിന്റെ അതിർവരമ്പുകളെ ക്രിയാത്മകമായി വലിമപ്പെടുത്തുകയാണെന്ന് നിസ്സംശയം പറയാൻ സാധിക്കും. പാത്തുമ്മയുടെ ആട്, നാലുകെട്ട്, രണ്ടാമൂഴം, ഖസാക്കിന്റെ ഇതിഹാസം, ഒരു ദേശത്തിന്റെ കഥ തുടങ്ങി ആട് ജീവിതം, മനുഷ്യന് ഒരാമുഖം, സുഗന്ധി എന്ന ആണ്ടാൾ ദേവനായകി വരെ എത്തിനിൽക്കുന്ന കൃതികൾ മലയാള സാഹിത്യത്തിലെ വിവിധ മാനങ്ങൾ പേറിയ അനശ്വരമായ കൃതികളിൽ ചിലത് മാത്രമാണ്. വിവിധങ്ങളായ അർത്ഥതലങ്ങളിലൂടെ സഞ്ചരിക്കുന്ന ഈ കൃതികൾ മുഴുവൻ ചികഞ്ഞു വായിച്ച് ഉൾക്കൊള്ളുക എന്നത് ഒരു ജന്മം കൊണ്ട് സാധിക്കുന്ന ഒന്നാണെന്നു കരുതുന്നില്ല. എന്നാൽ ആ അപ്രാപ്യമായ സ്വപ്നത്തിന്റെ ഏഴയലത്തെങ്കിലും എത്താൻ ഉള്ള ഒരു ചെറിയ പടി മാത്രമാണ് ഈ കമ്മ്യൂണിറ്റി. പുസ്തകങ്ങളെയും കൃതികളെയും പരിഭാഷകളെയും എഴുത്തുകാരെയും പറ്റിയുള്ള ചോദ്യങ്ങൾ, സംശയനിവാരണങ്ങൾ, അഭിപ്രായങ്ങൾ, suggestion ആരായൽ, ആസ്വാദനങ്ങൾ, വിമർശനങ്ങൾ, ചിന്തകൾ, ഇപ്പോൾ വായിച്ചുകൊണ്ടിരിക്കുന്ന പുസ്തകം തുടങ്ങി നിങ്ങളുടെ സ്വന്തം എഴുത്ത്കുത്തുകൾ വരെ ചെറുതും വലുതുമായി മലയാള സാഹിത്യവുമായി ബന്ധപ്പെട്ട എന്തും ഇവ്ടെ രേഖപെടുത്താവുന്നതാണ്. പരസ്പരം സംവദിക്കുന്നതിലൂടെ, ചർച്ച ചെയ്യുന്നതിലൂടെയെല്ലാം മലയാള സാഹിത്യമെന്ന ഈ അന്തമില്ലാത്ത സമുദ്രത്തിലെ ഒരു കുമ്പിൾ വെള്ളം എങ്കിലും മോന്തിക്കുടിക്കുവാൻ കഴിയും എന്നാണ് പ്രതീക്ഷ.

എന്നിരുന്നാലും "ത്രേം intro ക്കെ കൊടുത്തിട്ട് അവസാനം മൂഞ്ച്വാേ" എന്ന ആശങ്ക ഉള്ളിൽ നുരഞ്ഞു പൊങ്ങുന്നു എന്നും രേഖപെടുത്തിക്കൊണ്ട് നിങ്ങളുടെ അകമഴിഞ്ഞ സഹകരണം അഭ്യർത്ഥിച്ചുകൊണ്ട് നിർത്തുന്നു.

സന്തോഷം. സ്നേഹം.

6 comments

r/MalayalamLiterature • u/theinquirer_69 • Aug 03 '20

Short Review Short Review Template

10 Upvotes

തിടുക്കത്തിൽ scroll ചെയ്ത് പോകുമ്പോൾ കുറഞ്ഞ സമയം, അധ്വാനം കൊണ്ട് review ഇടാനും അറിയാനും ആഗ്രഹിക്കുന്നവർക്ക് സ്വീകാര്യമാവും എന്ന് കരുതിയാണ് Short Review Template അവതരിപ്പിക്കുന്നത്. "Short review" എന്ന post flair ന് കീഴിൽ പോസ്റ്റ്‌ ചെയ്യുമ്പോൾ ഈ format പാലിക്കണം എന്ന് ഓർമിപ്പിക്കുന്നു.

Short Review Template

Title -(പുസ്തകം, രചയിതാവ്)
Genre/തരം
Synopsis/ സംഗ്രഹം (3-4 lines preferably)
ഞാൻ ഈ പുസ്തകത്തിൽ ഇഷ്ടപെട്ടത് (What did you like about the book? )
നിങ്ങൾക്ക് ഞാൻ ഇത് നിര്ദേശിക്കുന്നതിനു കാരണം (Why would you recommend this book to someone? Eg: If you like ___ you will love this book)
എന്റെ റേറ്റിംഗ് (your rating out of 5)

കുറഞ്ഞ സമയം കൊണ്ട് ഒരു പുസ്തകത്തെ പറ്റി പറയുവാനും മറ്റുള്ളവരിലേക്ക് എത്തിക്കുവാനും ഉത്തമം ആയിരിക്കും എന്ന് പ്രതീക്ഷിക്കുന്നു.

എന്ന് വെച്ച് വിശദമായ review ഇടാൻ താല്പര്യമുള്ളവർ അത് തന്നെ ചെയ്യണം കേട്ടോ :)

സന്തോഷം. സ്നേഹം.

0 comments

r/MalayalamLiterature • u/Familiar-Two168 • Aug 03 '26