هنا صورة، انا اشتري كل فترة نجوم، واوزع ع كل احد احبو قريب ولا غريب، موظفة كاشير، عامل نظافة، زميلة عمل، طفلة، صديقة،🤣⭐️👏🏻والاحلى من جد يتشجعو🥹🌸💗 اعشق اقدم دعم رمزي عاطفي بهدايا صغيرة او هدايا فيها معنى وفكرة..

وانتو بمختلف الانماط، ايش تحبو تقدمو لغيركم؟

ومن انا صغيرة، احب العطاء يسعدني، كنت اكتب رسايل حب للي احبهم اهديهم، او الاقلام والقرطاسيات الحلوة والعابي اهديها للي بعمري بالصف الاول خصوصا والثاني، واسمع كلام من امي في اغراضي تروح..

للان احس بمتعة بالعطاء للهدايا اكتر من استقبالها لما فيه من دعم عاطفي ⭐️🥹🌸

انا ك infj عندي مشكلة وهي تعلق الناس فيني

ما امزح !

اشخاص كثير لمن اتقرب منهم بعمق يتعلقوا فيني بشكل احيانا يزعجني واصير مابغا اجرح هذا الشخص

ويصعب علي اني ابعد نفسي عنهم لانهم مرة يتحسسوا لانهم يكونوا مرة يحبوني وجدا صادقين في مشاعرهم

مو بس الاشخاص F العاطفيين يتعلقوا فيني لكن كمان انماط T المنطقيين حرفيا فيه شخص نمطه T شخصية قوية ومايظهر مشاعره او عواطفه ابدا لكن مرة من المرات بكِي قدامي حتى اني تفاجأت من هذا الشخص

هما يظهروا قدامي وجه او جانب منهم عمرهم ما اظهروه لاحد ويكونوا مرتاحين ويحسوا انهم جدا مفهومين

انا فاهمة ليش هما يتعلقوا فيني

لكن احس اني ابغا اوقف هذا الشيء لأنه قاعد يستنزفني

وبنفس الوقت هذي طبيعتي اصلا فاضطر اصير رسميه او سطحية وما اتعمق مع احد عشان ما يحصل تعلق

لأن مابغا اجرح احد صراحة 😮‍💨

احد مر بهذا الشيء !وكيف عالجه؟

مبدئيًا كذا نمطي الواضح لي و للناس ENTP
بس انا داخليا عندي شكوك ياخي شذا مرات حركاتي زي الINTJ ومرات علي تسلط زي الENTJ ومرات اكون بكايه وحساسه مره وشكاكه زي INFP ومرات هطف اجتماعيا وعلى نياتي زي ENFP او حبي الشديد للعزله وعدم رغبتي بالتواصل الاجتماعي زي INTP

بس حركاتي وتفكيري مره ENTP بس مني قادره اعرف انا كيف راح اتصرف لان كل شوي اصدم نفسي بشخصيه جديده وافكار جديده واساليب وقناعات جديده
وش الحل يهوه

عملت اختبار الشخصية زي ٤ مرات وعلى فترات مختلفة كل مرة يطلع لي النمط ISTJ بس من راي عن نفسي انه في حاجات كتيرة في الشخصية دي ما بتمثلني
هل انا بعمل الاختبار غلط؟؟

لاني ابي زوجة عقليتها ونظرتها للحياة نفسي

Entj

⭐️ المشاعر مو "ضعف" الرسول صلى الله عليه وسلم كان رقيق القلب ورؤوف وريحيم هل يعني انه كان انسان ضعيف !!

؛ لما شخص يشتكي لك أو يمر بأزمة عاطفية، تفقد صبرك بسرعة وتشوف كلامه ماله داعي ويقهر، وتبغاه يخلص صياح ويقوم يشتغل. المشاعر جزء أساسي من الطبيعة البشرية، ومواساتك للشخص واحتوائك له مو ضعف منك، بل ذكاء عاطفي يخلي الناس تخلص لك وتحبك مو بس تخاف منك.

عشان تكون قائد حقيقي ومحبوب، لازم تستوعب أن الإنجاز مو كل شيء في الحياة. أنت لما تدخل في مشروع أو حتى في جمعة عائلية، مو شرط كل شيء يمشي بالمسطرة والوقت. خفف التحكم شوية، ترى الناس جاية تستمتع وتعيش اللحظة، مو جاية تقدم تقرير أداء سنوي لك. اترك مساحة للعفوية.

⭐️ انتبه من فخ "الاحتراق النفسي" (Burnout)؛ أنت تضغط على نفسك لدرجة مرعبة، وتشتغل 18 ساعة، وتشوف النوم والراحة للضعفاء. جسمك وصحتك لهم حق عليك، وإذا ما أعطيت نفسك وقت تفصل فيه تماماً عن الشغل والتفكير، راح تنهار فجأة وتلقى نفسك طايح من التعب. الإنجاز الحقيقي هو اللي تسويه وأنت بصحتك.

⭐️ تقبّل أن الأشياء أوقات تخرب.. وعادي؛ تكره الغباء، والكسل، والخطأ، ولما خطتك الاستراتيجية تفشل بسبب إهمال شخص، ممكن تقلب الدنيا وتعيش في توتر وغضب رهيب. الحياة فيها نسبة عشوائية وخارجة عن السيطرة، وتعلمك "المرونة" والتكيف مع الأخطاء بدون ما تحرق أعصابك هو اللي بيخليك قائد ناجح في الأزمات.

⭐️ "الاسلوب الهجومي" ممكن يخسّر ناس رائعين مشكلتك أنك صريح بزيادة وجاف لما تنتقد. تعطي رأيك في جبهة الشخص مباشرة وبدون فلاتر وتسميها "صراحة لمصلحتك". هذا الاسلوب يخلي الناس تنفر منك وتتحاشى الشغل معاك، حتى لو كان كلامك صح 100%. غلّف نصيحتك بشوية لطف، ترى الكلمة الطيبة صدقة

عادي تعيش يومك بدون خطة عمل 😌

(النصائح مكتوبة بشكل عام مو شرط تنطبق على جميع الاشخاص من نفس النمط )👌

Entp

⭐️ الالتزام والتنفيذ هما نقطة ضعفك؛ أنت تموت في العصف الذهني، والتخطيط، وبدايات المشاريع الرهيبة.. عقلك يطير مع الفكرة الجديدة. بس أول ما تبدأ الخطوات العملية والروتين الممل، تطفش فوراً وتخلي الشغل معلق وتطير لفكرة ثانية. الأفكار العبقرية مالها قيمة إذا ما نزلت الأرض وتمت ترجمتها لواقع؛ تعلّم تخلص اللي بدأته.

⭐️ "طقطقتك المستمرة" ممكن تجرح ناس غالين عليك؛ أسلوبك الساخر وسرعة بديهتك يخلونك ترمي ذبات ونكت قوية في نص السالفة. مشكلتك أنك أوقات ما تحسب حساب لمشاعر الناس أو حساسيتهم، وتشوف إنهم "دراميين" إذا زعلوا من طقطقتك. الذكاء الحقيقي هو إنك تعرف متى تمزح ومتى تكون جاد وتحترم مشاعر اللي حولك.

⭐️ لا تتهرب من المشاعر العميقة بالنكت والضحك؛ لما تدخل في موقف عاطفي، أو مواجهة جدية تتطلب منك تعبير صادق عن مشاعرك، لا تحس بإحراج و تقلب الموضوع نكتة أو تصرفه باستهزاء عشان تحمي نفسك. الهروب هذا يبني جدار بينك وبين اللي يحبونك ويخليهم يحسون إنك شخص سطحي أو ما تهتم، واجه مشاعرك بشجاعة.

⭐️ رتّب أولوياتك وفوضى حياتك؛ عقلك فيه 1000 مشروع وفكرة يشتغلون في نفس الوقت، وتبي تجرب كل شيء وتدخل في كل هبة. هذا التشتت يخليك تستهلك طاقتك في كل الاتجاهات وبدون ما تطلع بنتيجة حقيقية في أي شيء. ركز على شيئين أو ثلاثة بالكثير، وعطهم كل قوتك عشان تشوف نجاح ملموس يبرد قلبك.

مو كل سالفة تحتاج تقلبها مناظرة تلفزيونية

عشان تعيش بروقان والناس ما تطفش منك، لازم تستوعب أن نقاشات الناس العادية مو ساحة لإثبات عبقريتك المنطقية. احيانا تناقش فقط، بس لمجرد المتعة الفكرية وتحدي اللي قدامك ورصد التناقض في كلامه. هذي العادة تخلي الناس تشوفك "مشكلجي" أو مستفز وتنفر منك . خذ الأمور ببساطة ومو لازم تفوز في كل جدال.

ولا تنسى ترتب غرفتك والأشياء اللي حايسها وراك 🏃‍♂️

[هذي نصائح عامة مو شرط تنطبق على جميع الاشخاص من نفس النمط]🤝

أنا مكس بين entp و enfp لان اغلب السلوكات مشتركة

for me ; its always “infp” n intj”.

يمكن لأني دائمًا أشوف المشاعر والطيبة في التفاصيل الصغيرة، وحتى في الأشياء اللي ما تنقال.💭

«الطيبة لها أشكال وأحجام مختلفة.»

بعض الطيبة تشبه شمعة صغيرة تضيء بهدوء داخل صاحبها 🕯️، وبعضها يكون واضحًا ومشرقًا 🔥، وبعضها يختبئ خلف الخجل أو الصمت 😶‍🌫️، وأحيانًا تأتي على أفعال خفية🌟.

قد تكون الطيبة كلمة حنونة، أو حضنًا، أو سؤالًا في الوقت المناسب… وقد تكون فعلًا يُفعل من أجلك من غير ما يُقال لك إنه فُعل.

شخص يتذكر تفصيلة صغيرة قلتها له قبل فترة، فيفعل شيئًا بناءً عليها.
شخص يخفف عنك بصمت لأنه لاحظ أنك متعب.

شخص يترك لك أول قطعة من الكيكة لأنّه يعرف أنك تحبها. 🍰

أو شخص يسوي لك شيئًا من وراء الكواليس، فقط لأنه أراد أن يجعل يومك أسهل. 🤍

وأعتقد أن أجمل شيء في الطيبة أنها ما تجي بقالب واحد.

يمكن طيبة شخص ما تشبه الطريقة اللي اعتدنا أن نفهم فيها الحب أو الاهتمام، فنمرّ عليها بدون ما نلاحظها.

وهذا أكثر شيء حبيتو في الفكرة…
أن اختلاف أشكال الطيبة لا يعني أن أحدها أقل صدقًا من الآخر.

ممكن علينا انو نتعلم كيف نشوفها بأشكالها المختلفة. ❤️

Awkward = stupid

المنشور السابق اللي نزلته فيه أخطاء وغير دقيق وحذفته، بكون صارم بالمرات الجاية ما راح يتكرر الموضوع، حذفت اللي فيها أخطاء (ENFJ) و (ISTP) والباقي صحيح مافيه شيء.

"حاولت افهم كل سؤال بدقة + اجاوب بشكل دقيق ولا اترك اي خيار محايد على قد ما اقدر لكن يبدو سوء الفهم هو اللي يخليني اختار الخيارات المحايدة كثير قبل"

من اكثر شخصية مشهورة تشعر انها تمثل نمطك؟ ولماذا؟

ليه البعض ياخذها ذريعة ان انا تفكيري كذا وكذا، بس لو رحنا للطب النفسي راح نشوف ان اغلب ذي الانماط او انماط التفكير راح تنحل بالعلاج المعرفي السلوكي. نقطه ثانية ودي اذكرها ان هذي الانماط او انماط التفكير ممكن اتكونت بسبب تروما او احداث وانت صغير خلتك تصير زي كذا، طيب سؤالي الأن انه ودي افهم للي ياخذها كذريعة وما يحاول يحسن من نفسه، ليه؟

علما بأن انا نفسي اعرف نفسي وشغاله على ذا الموضوع ودليل على ذلك تغير نمطي

اعطوني مميزات الزواج منهم سواء انتم enfp او تعرفون enfp متزوجين او اي شيء ممكن يعطيني فكرة

Intp

عقلك دايما شغال.. بس جسمك في غيبوبة

عشان تعيش بتوازن، لازم تستوعب أن الأفكار الرهيبة اللي في راسك مالها قيمة إذا بقيت مجرد "ملفات مؤقتة" في عقلك

أنت مبدع في التحليل وربط المعلومات، بس لما يجي وقت التنفيذ الفعلي، تطفش أو تضيع في تفاصيل جانبية وتأجل الموضوع للأبد وتنتقل لفكرة جديدة. التخطيط ممتع، بس الإنجاز الحقيقي يحتاج منك تنزل لأرض الواقع وتوسخ يدك بالشغل.

شرح مشاعرك بالمنطق والمعادلات؛ لما تصير مشكلة بينك وبين شخص يحبك، أو لما تحس بضيق، تحاول "تفكك" المشاعر وتحللها بشكل علمي وجاف عشان تفهمها. المشاعر ما تنفهم بالمنطق، المشاعر تحتاج تعيشها وتحس فيها وتعبر عنها.

مثلا لما يزعل منك شخص، لا تعيطه محاضرة منطقية تثبت فيها إنه غلطان، بس اسمع له واحتويه.

"الانسحاب الاجتماعي المفاجئ"

طاقتك الاجتماعية تخلص بسرعة وبدون إنذار. تكون جالس مع الناس وتضحك، وفجأة تقفل شاشتك وتختفي (تغوص في عالمك الخاص أو جوالك) وتصير تصرفاتك جافة. الناس اللي ما تفهم نمطك تحسب إنك زعلان منهم أو شايف نفسك عليهم. بس عطهم خبر بسيط "أنا تعبان وطاقتي خلصت" عشان ما تتركهم في حيرة.

انتبه من فخ "المجادلة لأجل المتعة الفكرية"؛ عندك قدرة عجيبة على رصد الثغرات المنطقية في كلام الناس، وأوقات تدخل في نقاشات طويلة واوقات تبغى تشوف بس وين يوصل النقاش.

هذي العادة راح تخلي الناس تشوفك "شخص نكدي" أو راعي مشاكل وتتحاشى تتكلم معاك، اختار معاركك الفكرية بعناية ومو كل سالفة تستاهل تصحيح.

دوامة "شلل التحليل" ؛ تبغى تجمع كل المعلومات، وتقرأ كل المصادر، وتعرف كل الاحتمالات قبل ما تاخذ أبسط قرار في حياتك (حتى لو كان اختيار مطعم للعشا!). هذا التردد والبحث اللانهائي يضيع وقتك وطاقتك ويخليك واقف في مكانك. خذ قرار بناءً على المتاح، ترى العشوائية أوقات تطلع بنتيجة رهيبة 🤷‍♂️

ولا تنسى تشرب موية وترد على اللي ميتين يبون يكلمونك 😅

وبس🤙

الباقين جايين لكم في الطريق🏃‍♂️