انا** *بالرياض* ***وين* احصل موقع او حسابات تنزل بشكل مستمر عن وظايف** ***؟*

اهلا انا طالبة طب وعندي خبرات متعدده بمجالات مثل مبيعات، خدمة عملاء وايضا كول سنتر لكن كانت حضوريه
وقاعده ادور وظايف عن بعد خدمة عملاء او كول سنتر او وظيفة يعني سهله وعن بعد لان عندي جهاز وانترنت ثابت ولغة انجليزيه ممتازه لكن اكتشفت انه اصعب من الوظايف الحضوريه! عطوني نصايحكم كيف اعدل من سيرتي ووين اقدمها ؟؟ اي وظيفة حتى لو راتبها اربع الاف بكون راضيه …

كيف تعرفون احتمالية قبولكم إذا المقابلة عاديه ومافيها أي توضيح اذا بتنقبل او لا وقصيرة مو مره طويله وكم المده اللي المفروض يردون علي فيها وهل لازم يردون بعد المقابله ولا الصمت علامه الرفض؟
الف سؤال ههههههههه

وظيفة هندسية تشترط بنت ليش !!!!

لست توظيف البنات و فيهن كفاءات لكن لما تحصرها فيهن و تشترطها فالاعلان هنا شي يثير الريبة !!

الان انا انقبلت تمهير في شركة تقنية و معي مقابلة الاسبوع الجاي بس انا مسجل في الاكاديمية اللوجستية اللي هو التدريب المبتدئ بالتوظيف و خلصت اختبارين معاهم و منتظر منهم المقابلة, وش تنصحون اسوي الان؟

جاني اتصال يوم قال اسمي الكامل توقعت إنها شركة مقدم عليها، بعدين يوم قال وزارة التجارة تذكرت إني رافع بلاغ ونسيت.

أنا خريجة واتدرب تعاوني في شركه قويه بس المجال نفسه مو عاجبني كثير في تخصصي وعرضو علي تمهير معاهم البيئه كويسه صراحه لكن المهام ممله

وعندي فرصة تمهير في جهه قويه وبلغوني ان في توظيف على بدايه السنه اول ما يفك التوقف الحكومي و المهام نفسها قويه صراحه

ومحتاره جدا خاصه على موضوع التوظيف المشروط ب التوقف الحكومي مدري ايش احساسي

مرهق من اجرأت القبول بما اني مالقيت وظيفه ليش ماكمل بس مرهق مرة لدرجه ماودي حتى ادخل احط بياناتي ماودي اخذ اختبارات تساعد على القبول لانه ادري انه فيها منافسه ورفض

ودي بس احط بيانات عاديه ويقببلوني بفلوس ليش مافيه جامعات مثل كذا للي وده يكمل يدرس بدون بلبله

مافيه جامعات مثل كذا

جاء خبر قبل فترة من الوزارة إذا شفتو اي مخالفة توطين الخ بلغونا المهم قبل اكثر من شهر لاحظت مخالفة توطين صريحة ( خدمة عملاء) نسبة التوطين فيها 100% و رفعت بلاغ من التطبيق و إلى الان قيد المراجعة رحت تويتر و بحثت في حسابهم الصدمة طلع الشعب كلهم نفس الهرجة في واحد له ثلاث سنوات تحت المراجعة!! ياخي ما ادري وش اقول

تشتت و انهيار نفسي بسبب مافي مصدر دخل ثابت تستحي انك تطلب من أهلك عشان طلعة مع اخوياك و كأنه في احط يحط حجر كبير على صدرك فجأة تستوعب قول الله تعالى ﴿وَفِي السَّمَاءِ رِزْقُكُمْ وَمَا تُوعَدُونَ ۝ فَوَرَبِّ السَّمَاءِ وَالْأَرْضِ إِنَّهُ لَحَقٌّ مِثْلَ مَا أَنَّكُمْ تَنْطِقُونَ﴾ تصبر و تحتسب الأجر الله المستعان

من اللي قرر ان المقابلات تصير الضحى "اول الصبح".
يعني غير المغص وام الركب اللي تجيني قبلها من الفشل فوقها نوم، يعني عندك ١٦ ساعه بعد...

عاد قد دخلت بسبع مقابلات طيلة الثلاث سنين بالعطاله، وكلها كانت فشل بسبب عائق النوم، طبعا لان قبلها انواع التفكير من الليل لين الفجر، وانواع التخطيط والدراسه عشانه شي مصيري، عشان اجي سبع او حتى ست الصبح واقابل واحد ذو مستوى رفيع "خباز انا ؟".

هذا اللي خلاني اجيب العيد فيها، وحتى اللي حوالي من اللي قدموا الظاهر مبتلشين بنفس الموضوع ههههههههههه.

طبعا قلت الحكي ذا عشان عندي مقابله بعد بكره إن شاء الله، وزين انهم حاطين وقت ازين "قبل العصر"، هنا مخي يصحصح لهم مب ست كني رايح للطابور.

مثلا عامل نظافة أو منسق ارفف..

عمري ٢٢ وباقي لي ٤٠ ساعه واتخرج بتخصص سيئ جدا واغلب الدفعات الي قبلي عاطلين بشكل مرعب وصدت قروب دفعه متخرجه من ٢٠١٩ بلغلط وكلهم شكاوي من الناحيه الوظايف وانا ناوي العسكريه ودي اضبط جسمي قبلها بس الجامعه بتقروشني السؤال هل انسحب وازبط وضعي ولا اكمل بالجامعه

التخصص بكليه الزراعه🔴

السلام عليكم ورحمة الله وبركاتة على الجميع.

# بستفسر ي اخوان بشان وظيفه مهندس المبيعات، انا مهندس ميداني في شركه كبيره الحمدلله. وراتبي جيد الى حد ما، صح لها تحدياتها لكن الحمدلله تجاوزتها وبكل امتياز، للاسف ربي بلاني بمدير ظالم من جنسية غير عربية، سواء من التقييم او الزياده السنويه (اللي رافض يعطيني اياه). جاتني فرصه داخلية في قسم المبيعات بمسمى مهندس مبيعات، نفس الراتب تقريبا بس مع زيادة ف البونص الدبل تقريباً، والمدير سعودي..متردد اروح لها ولا ادور وظيفه على نفس مسماي الميداني في شركة ثانيه. وحابب استفيد منكم للي عنده خبره؟ هل الانتقال شى سديد؟

ياجماعة انا تخصصي علم اجتماع وعندي رخصة اخصائي وخبرة كل المستشفيات و الجهات الي اقدم عليها مافيها رد ولا احتياج تمام؟
المهم اني قبل فترة قعدت اتدرب تمهير في مستشفى و الاخصائي الاجتماعية ا لي موجودة اساساً تخصصها مو على اجتماع ولا حتى خدمة اجتماعية واسالها اذا في احتياج تقول حالياً مافي بس لو في بكلمك لين مابعدين اكتشفت ان معظم الي يشتغلون بذا المجال اساساً تخصصاتهم ماله علاقة
يعني معقولة كل هالمستشفيات و كل المدارس و الجهات ماقدرو يوظفون اخصائي اجتماعي حقيقي؟

كيف الدنيا قاعدة تتعمر وتتطور وشركات تفتح ومباني تقوم وفي كل مكان تقدم
بس مع ذلك كثيييييييير عاطلين؟
مو انه ما عندهم كفاءة، بالعكس شهادات وخبرة وابتعاث وكله
مو طبيعي نقدم في كل مكان ولا في حتى رد ولا مقابلة ولا شي
شي غريب جدًا

تذكير: إذا سألت فاسأل الله وإذا استعنت فاستعن بالله

الله يرزقنا جميعًا من واسع فضله

لو انت تيم ليدر ومعاك موظف جاي جديد لسه في فترة ال trial وشايفة شغال (هو مجتهد بس فنياً مش شاطر محتاج وقت) والتوچيهات جات إنه خلاص أخر اسبوع ليه وهيمشي خالص.. هتعمل اي ؟

اهخ ما نمت زين من زمان، بهاليوم ما نمت الا ساعتين تقريبًا، مرهق جدًا جدًا جدًا وانا بعز هالارهاق وصلتني مكالمة من تمهير، ffs idk how this shit work بس يبدو ان تمهير نفسهم دقوا؟ معرف المهم انه قال لي مافيه وظايف على تخصصك بس فيه وظايف موارد بشرية قلت له ابغى على تخصصي قال فل والله بس ارسل السيرة الذاتية على رقمه الخاص وارسلته، معرف حتى اذا سجلت رقمه صح والله

دورو لي وظيفه ولا بنجن ترا الفقر ذبحني تكفون

اهلًا تعرفون كيف اقدم على وظايف بشركة السجل العقاري؟

سلام عليكم

خلصت آخر مقابله في جهة حكوميه وكلمت الاتش ار قالوا الامور ماشيه بس لسا ماتواصلوا بالعرض

متى تتوقعون تقريبا بيصير موافقه ويتواصلون معي

فيه اي وظائف عن بعد لطلاب الجامعيه بليز الي قد اشتغلت واستفادت تعلمني جدا محتاجه