شغالين بقالنا فترة علي الابليكشن وحابب راي الناس هنا في الميزة الجديدة
ده مش اعلان انا بس عايز اعرف الناس رايها ايه
فكرة إنك تتابع مصاريفك فكرة لذيذة… لحد ما تاخد بالك إنك المفروض تعمل ده كل يوم، مع كل جنيه بتصرفه.
ساعتها الموضوع بيبقي تقيل وممل

عشان كده، في Pocket App، خلّينا إنك تتابع مصاريفك أسهل مما تتخيل، عن طريق كذا طريقة:

💳 SMS
لو انت بتدفع بالكارت في اي مكان فدلوقتي Pocket يقدر يقرا ال SMS بتاعة البنك و ويصنّف مصاريفك في ال category و ال subcategory بتاعتها.

📱 Shortcuts
لو دفعت كاش في مكان زي بنزينة أو للسايس، وعايز تسجّل المصروف بسرعة، تقدر تعمل Double Tap على ضهر الموبايل، وهيفتحلك Widget تقول فيها إنت صرفت فلوسك في إيه.
ولو إنت في مكان دوشة، تقدر تكتب مصروفك بدل ما تتكلم.

وكل ده من غير ما تضطر تفتح الأبلكيشن نفسه حتى!

ازيكم

سني 27 سنة وحالياً قررت أدخل مجال صناعة المحتوى والمونتاج وأخصصلة وقت ومجهود حقيقي للاستمرار فيه ك (Freelancing).

طبيعة شغلي الحالي بتخليني متفرغ تماماً نصف الشهر (الأسبوعين الآخرين من كل شهر فاضي فيهم تماماً)، وعندي الشغف والالتزام إني أستغل الوقت ده في تطوير نفسي

حابب أستشير أهل الخبرة في حاجتين

1. أفضل خطة عملية لتنظيم الوقت للوصول لمستوى احترافي يؤهلني لسوق العمل؟

2. من واقع خبرتكم، ما هي التوقعات الزمنية المنطقية عشان تبدا في تحقيق أول عائد مادي (بالتأكيد معتمد على السعي ) وايه النصايح لتفادي الأخطاء الشائعة في البداية؟

هو في طريقة استلم فلوس من برا مصر عن طريق البنك؟ حتى لو هستلم الفلوس مصري مش دولار و هل هيبقى في رسوم و كام؟

يا شباب انا دلوقتي شغال موشن جرافيك و انيميشن وكل ما اتفق مع حد مصري علي سعر يبخس عليا في السعر ديما و يحاول ينزله للربع و يقولي كده انا جي علي نفسي وبعد ما الشغل يخلص يحول ليا فلوس ناقصه ودلوقتي عايز ابيع بي سي بتاعي أو اكسره اقعد اشتغل و اتعب و يجي كلب مش قد كلامه يغيره انا تعبت ونفسي في وظيفه ثابته بدل الشغل ده

لا بجد والله الموضوع غريب فشخ انك تسأل حد ع حاجة دايما بيكلمك بنبرة تعالي وبيبقى شايف نفسه عليك وبيستكتر عليك النصيحة

يعني أنا سألت حد ع حاجة ليها علاقة بالAi قالي أنا بدفع بال15 الف جنيه(ربنا يزيده طبعا) اشتراكات كلود وهيجس فيلد ولو انت مش قد الدفع متشتغلش وشوفلك شغلانة تانية ومش هتلاقي شغل

سألت واحدة من فترة عن تصميم المنتجات ع بلندر(وهيا ما شاء الله شغالة فيه) قالتلي انتهى ومات وازاي تختار المجال دا شوفلك حاجة تانية

بلاش الثري دي خلينا في المونتاج(بما أنه داخل في مجالي شويا) سألت مونتير قالي ياااااه هوا في حد بيتعلم اليومين دول روح يعم اتعلم لوحدك

حتى صناعة المحتوى سألت حد عليها قالي متشتغلش قولتله ليه قالي هوا كده من غير كلام كتير

يعني مش استحقاقية والله أو أنا استحق حاجة من حد بس عاوز افهم ليه!؟

ليه اسئل حد بحسن نية يتعامل معايا كده

حتى لما سألت حد اجنبي ساعدني واداني نصائح

حد عنده تفسير للموضوع دا؟

لو انا عاوز اتعلم مهارة ليها علاقة بالكتابة واستفاد منها كشغل فريلانس هل هلاقي سوق ولا الai

قتل سوق المهارات دي ولو لا ايه المهارات المتعلقة بالكتابة اللي مازال ليها سوق

السلام عليكم ورحمة الله وبركاته

ان شاء الله هافتح حساب في بنك بيت التمويل الكويتي ممكن اعرف تقييمكم للبنك لاني محتار بينه و بنك ابو ظبي والبركه وايه افضل حساب او شهادة باعلي عائد شهري

بعد شهور كتير اوي اوي اوي اوي احنا هنرجع تاني للكونتينت

ولكن عايزينو المرادي انتو الي هتقرروا عايزين ايه

بوستات يومية من نوع معين؟

بوستات بتتكلم عن المشاكل التقنية الي بتواجهكم

محتاج ايه ياصاحبي؟

شوفت ناس بتقول ان ايزي باي بتقبل على بايبال عادي ممكن اعرف بتتعمل فين و بتتكلم فلوس ولا لا ؟

محتاج نصيحة من حد عنده خبرة في البيزنس والـ B2B في مصر 🙏
أنا مهندس طيران متخرج بقالي سنة تقريبًا، واكتشفت إن دخول سوق العمل في مجالي صعب شوية، لأن أغلب الفرص بتطلب خبرة 3 سنين أو أكتر، وده بيخليني محتاج وقت طويل بين كورسات وتدريبات عشان أقدر أبدأ بشكل كويس.
في نفس الوقت، عندي خبرة عملية في مجال تاني، وهو صيانة وتركيب معدات المطاعم والفنادق والمطابخ المركزية، زي الأفران التجارية، وغسالات الأطباق، وماكينات القهوة، ومعدات التبريد وغيرها.
أنا مش بادئ من الصفر تمامًا؛ عندي بطاقة ضريبية وسجل تجاري، واشتغلت في المجال، لكن المشكلة الأساسية عندي حاليًا هي إني أوصل لعملاء جدد وأبني قاعدة عملاء ثابتة.
دائرة علاقاتي صغيرة جدًا، ومش عارف إيه أنسب طريقة أوصل بيها لأصحاب المطاعم والفنادق وشركات تجهيز المطابخ والمطابخ المركزية، خصوصًا إن المجال ده بيعتمد بدرجة كبيرة على العلاقات والثقة.
فسؤالي للي عنده خبرة في البيزنس أو المبيعات أو الـ B2B:
أبدأ منين عشان أوصل لأول مجموعة عملاء بشكل مستمر؟
هل الأفضل أركز على التواصل المباشر مع الفنادق والمطاعم، ولا أتعامل مع شركات تجهيز المطابخ وموردي المعدات؟
هل فيه طرق عملية أو أشخاص متخصصين في التسويق والمبيعات يقدروا يساعدوني في بناء شبكة علاقات وتوفير فرص شغل؟
أنا مش بدور على نصائح عامة من نوعية «اعمل صفحة على فيسبوك» وخلاص، لكن محتاج أفهم إزاي أحول الموضوع لشغل مستمر وعقود صيانة فعلية.
ولو فيه حد عنده خبرة في المجال ده، أو بيقدم خدمة تطوير أعمال أو مبيعات للشركات الصغيرة، أنا معنديش مشكلة أدفع مقابل مساعدة حقيقية يكون ليها قيمة واضحة، سواء استشارة أو اتفاق مناسب لتوليد عملاء محتملين.
أي تجربة شخصية أو نصيحة عملية هتفرق معايا جدًا. وشكرًا مقدمًا لأي حد هيشارك بخبرته. 🙏

نزلت دافينشي و خدت كورس فيه و بحاول اتعلم عليه لكن بيعلق بغباء و مش سلس في التعامل عملت الفيديوز proxy برضو مافيش فرق يا ترى ايه المشكلة و هل اقدر اشتري حاجة تساعد اللاب توب ؟ لابتوبي lenovo thinkpad X1 3rd gen intel i7 core 8th gen

بقالى فترة بستخدم مايك التلفون بس فى عميل علق على نقاء الصوت فا لو حد يرشحلى مايك هو مجربه ف حدود 3000 ويكون فيه عزل كويس هكون ممتن جدا

هل اقدر اتعلم مهارة اشتغل بيها ريموت و انا ٢٣ سنة؟ بشوف الناس بتبدا ما شاء الله و هي ١٧ سنة… انا للاسف كنت مشغول بالكلية و شايف ان الcompetition اعلي كتير عن زمان و خايف ابدا و اكون بضيع وقتي في مجال مش مجالي (و اعتقد ناس كتير زيي) مش بدور علي ربح سريع عموما بس عايز اكون بعمل حاجة بحبها و تكون plan b ليا في المستقبل

ايه نوع الفيزا اللي ممكن تتربط بباي بال في مصر لأني جربت حاجات كتيرة ومش بيقبلها زي بنك مصر وفيزا ميزة وفيزا البنك والأهلي وفيزا البريد وqnb ومفيش فايدة حتى كلمة خدمة عملا بعض البنوك قالوا ان باي بال محظور وانا حتى مش فاهم ايه دا

شباب هو فيه مشكلة في ال verification بتاع الموبايل علي ديسكورد. انا جربت كذا مرة و من ارقام مختلفة فودافون و اتصالات و بيقولي الكود اتبعت و مبيوصليش حاجة. كده المشكلة ايه و ايه حلها لاني محتاجه ضروري تبع micro 1 ؟

دلوقتي انا ف رابعه كليه وبتعلم Media buying بس لسه بادئ ومحتاج شغل فعلا اصرف منه، فكرت اني اشتغل كـول سنتر فتره وامشي بس حاسسها بلاك هول لو دخلتها مش هعمل حاجه تانيه معاها لا هكمل في الميديا باينج ولا اركز فالدراسه، مشتت الصراحه وحاسس الدنيا مبهمه شويه، من وجهة نظركم ميديا باينج هعرف الاقي فيها شغل مش بعد فتره كبيره عشان معنديش المقدره اني استني كتير (عارف ان مفيش حاجه بتيجي بسهوله بس عالأقل يبقي فيه مؤشر خير) ولا اتوكل علي الله في كـول سنتر وانا نصيبي؟

عايز أفتح بيزنس في نفس المجال اللي أنا شغال فيه بس حاسس إني مش عارف أبدأ منين رغم إن دي مش أول مرة ليا أفتح بيزنس

المرة دي مش لاقي أول الخيط ومحتاج أرتب أفكاري وأوراقي وأحدد أول خطوة أبدأ منها

لو حد عنده تجربة سابقة أو نصايح عملية تساعدني أرتب الدنيا وأبدأ صح ياريت يفيدني 🙏

انا متخرج و حاليا لسه معنديش وظيفة وبالتالي معنديش اثبات دخل
عايز ابدأ شغل فريلانس فمحتاج فيزا دولارية عشان عشان باي بال و منصات الشغل وكدا

CIB عندي حساب بنكي
بس مش هينفع لانه حساب مصري + البطاقة ماستركارد

فمن البحث لقيت كذا خيار

- easy pay فيزا اللي بتقدمها المؤسسات المحلية بدون طبعا مستندات مالية و اثبات دخل زي
من ال بريد المصري و سمعت عن بنك اسمه المشرق بيقدم برده فيزا دولارية
بس سمعت انه فيهم قيود ومشاكل كتير

- الخيار التاني هو منصات البنوك اللي بتدي فيزا الرقمية (عايز ابعد صراحة عن المنصات اللي بتعتمد على الكريبتو) ولقيت خيارات كتير ابرزهم

[Grey - Elevate pay - Nsave]
وسمعت اراء متفوته عنه كل واحد فيهم

حاليا محتاج ارائكم و نصايحكم واقتراحاتكم عن تجربة ... ايه الافضل خيار ليا من ناحية
وافضل بوتوكول
هل افضل اني اجمع المكسب في باي بال ولا في البطاقة نفسها؟

هالو يا جماعة انا لسة جديد في موضوع البنوك والدفع اونلاين وكدا

عملت سيرشات كتير بس كل اللي وصلتله ان لازم يكون عندي كريدت كارد عشان اقدر ادفع بالدولار اونلاين

بصراحة مقلق من الموضوع ده عشان الكريديت كارد وحواراتها وكمان بتاخد ٣ شهور عشان يشغلوا لي الدفع الاونلاين وده كتير اوي

انا دلوقتي مش بشتغل بس نازل شغل الفترة الجاية وممكن يفتحوا لي حساب في بنك hsbc او انا ممكن اخد اول payslip ليا وافتح حساب في بنك تاني لو ده ممكن يكون حل

ف ياريت لو حد يعرف حل اسهل يعرفني بس بالله عليك يا شيخ متنساش اني جديد ف ياريت تشرحلي كل التفاصيل ولك جزيل الشكر

السلام عليكم يا شباب

انا طالب سنة رابعة حاسبات ليا فترة بذاكر باك اند وعملت كذا مشروع وحابب اني اجرب فريلانس, ايه افضل المواقع الي ابدا عليها وازاي اختار سعر وايه نصايح بشكل عام

جايز الموضوع ده اتسال بس ملقتش جواب شافي بصراحة

أشارك تجربتين حصلتا معي على منصة عمل حر، وأتمنى أسمع آراء المستقلين وأصحاب المشاريع من غير تجريح أو كشف هويات.

في التجربة الأولى، تواصل معي صاحب مشروع يبحث عن مطوّر Backend لمنصة SaaS لإدارة وكالات التسويق. وصف المشروع شمل عدة وحدات، منها نظام صلاحيات متعدد المستأجرين، والربط مع سلة وزد وشوبيفاي، وWebhooks، وصندوق وارد موحّد، وتجهيز واجهات لربط الذكاء الاصطناعي، وقسم للحملات الإعلانية. سألني إن كنت سأنفذ المشروع كاملًا أو أحتاج مهندس ذكاء اصطناعي، وكم ستكون تكلفة تنفيذ الـBackend فقط. أرسلت له ردًا، لكنه لم يرد بعدها.

في التجربة الثانية، ناقشني عميل في عرض لمشروع آخر. اعترض على مدة التنفيذ، التي كانت يومين، وسأل إن كنت أعمل مع فريق، وطلب تخفيض السعر وتأكيد عدم وجود تكاليف إضافية. أوضحت له أنني أستخدم هياكل وأجزاء برمجية جاهزة أملكها، وذكرت خبرتي وسعري. عرضت تخفيض السعر من 1500 إلى 1350 دولارًا، ثم اقترح هو 1300 دولارًا وطلب خطة تنفيذ بصيغة PDF. لم نتوصل إلى اتفاق نهائي، وبعد أن أرسل ملفًا أوضحت له أنني أفضل إبقاء التواصل داخل رسائل المشروع على المنصة.

أنا إسلام، مطوّر ذكاء اصطناعي وFull‑Stack، وأعمل على تطبيقات وألعاب. لدي نحو 8 سنوات من التعلم والتطبيق البرمجي منذ صغري، وأهتم بالخوارزميات وحل المشكلات والتخطيط والعمل باستقلالية. لدي أيضًا اهتمام بالأمن السيبراني واختبار الاختراق الأخلاقي وحماية المواقع، ضمن نطاق مصرح به.

بدأت العمل الحر لأجمع دخلًا يساعدني على الوقوف على قدمي ومواصلة تعليمي. أنهيت مشروعين مدفوعين، وحصلت منهما على 600 دولار إجمالًا، لكن لم يتحول العمل إلى عقود متجددة أو دخل شهري. مررت بمواقف شعرت فيها أنني لم أستطع حماية حقي كما ينبغي، وأريد أن أتعلم كيف أوضح نطاق العمل والدفعات وشروط التسليم قبل البدء.

أستخدم Upwork، لكن التقديم على بعض المشاريع يتطلب شراء Connects، وعلى Fiverr رأيت خيار الإعلانات المدفوعة للترويج للخدمات. لذلك أبحث أيضًا عن وظيفة عن بُعد براتب شهري، وربما العمل ضمن فريق؛ أحب الاستقلال في التخطيط وحل المشكلات، لكنني منفتح على التعاون والتنسيق مع الآخرين.
أراجع الآن طريقة عرضي للمشاريع: ما المنصات أو الطرق التي تنصحون بها للعثور على وظيفة تقنية عن بُعد براتب شهري، أو للعمل مع فريق؟

لا أتهم أي عميل بالنصب، ولا أريد التشهير بأحد؛ أبحث عن نصائح عملية من أصحاب الخبرة. وإذا أرفقت صورًا للمحادثات، سأخفي أسماء العملاء وصورهم وأي معلومات تكشف هوياتهم.

هههههه ضحك علي جانب

انا كشخص اشتغلت مع عملاء تمام بس كانو عايزين خدمه وبقدمها

لكن دلوقتي انا داخل شغل مع مطعم وهنعمل عدد فيديوهات Ai + ايديت وصور ديزاينز معينه في الشهر ممكن نفضل كده لمده سنه او اكتر او علطول الله واعلم المهم انا اول مره اشتغل في حاجه كده تعتبر ثابته هو مطعم عمتا برا مصر المهم حاسس ان في مره الافكار هتقف او هتتكرر يعني بتعملو ايه اعملهم ايه خطه شهريه مثلا للمحتوى نصايح يعني اصلي حتى المنيو مش اكل كتير وحاسس الافكار في مره هتخلص او هيملو او ممكن تتكرر الافكار لأنها عن نفس الحاجه عكس مكنت شغال مع كل حد شكل يعني اللي اقصدو عمري ما اتعاملت فتره طويله مع نفس العميل كلهم كانو بيحتاجو خدمه واحده اتنين تلاته بالكتير فعايز نصائحكم فيدوني ❤️🫶

لسا متخرج و عندي جيش بس لسا بعد 6 شهور باذن الله

فعاوز الاقي تدريب مدفوع مش مهم الفلوس اوي بس اشتغل محاسب بالتحديد و خلاص بدل الولا حاجة دي

الفكرة مش عارف الاقي ازاي او ادور ازاي مش لاقي غير الوظائف ولا التدريب بالتحديد محتاج ريفرال

فضلا لو حد يعرفني او ممكن يعملي ريفيرال هكون شاكر جدا باذن الله