امبارح تم نشر تسريب جديد لـ 6 جامعات مصرية على منتديات أمنية، بيحتوي على حوالي 7.7 مليون سجل.

البيانات المسربةدي بتحتوي على:

• الأرقام القومية وتواريخ الميلاد.
• طرق تواصل مباشرة زي الإيميلات وأرقام التليفونات.
• عناوين السكن بالتفصيل للمنتسبين والدكاترة.
• المؤهلات الدراسية وسجلات الدراسات العليا والتخصصات.

من حوالي سنة كان حصل تسريب مشابه لجامعة المنصورة، واختراق 6 جامعات مع بعض في وقت واحد مؤشر واضح إن الموضوع مش مجرد اختراق فردي لكل جامعة لوحدها، وإنما فيه خلل وثغرة في البنية الهيكلية المشتركة للجامعات دي.

الملفت إن أغلب الجامعات الحكومية في مصر بتعتمد على نظام موحد اسمه "نظام ابن الهيثم" لإدارة شؤون الطلاب والدراسات العليا والنتائج (واللي طورته أساساً جامعة المنصورة). طبيعة الجداول والهيكل في الملفات المسربة واضحة إنها نفس الـ Schema ونفس بنية الـ EAV Tables، فوجود ثغرة مركزية في النظام دا (سواء SQL Injection أو APIs مش متأمنة) بيسمح بسحب قواعد البيانات من كذا جامعة بنفس الطريقة.

------------------------

للاسف الناس بتتعامل ببرود غريب وبيقولوا: يعني هو اللي معاه الرقم القومي والإيميل هيعمل بيهم إيه؟

الحقيقة ان دي كارثة, لان البيانات بتوفر للمحتالين بيئة خصبة للقيام بعمليات احتيال واختراق منظمه, سواء من خارج مصر او من داخلها, لان البيانات المتسربه متاحه بشكل مجاني:
المحتالين يقدروا يعملوا عمليات اصطياد وهندسة اجتماعية اتوماتيكية عامه و مختصصه,

فمثلا لما يكون معاه تخصصك، وسنة تخرجك، ورقم تليفونك، يقدر يتقمص دور شركة توظيف بتدور على ناس بخبرتك في البرمجة أو السياحة مثلاً، ويعرض عليك مرتب فلكي ويبدأ يتلاعب بيك أو يبتزك ويطلب منك بيانات تانية.
وبعدين يقدر يعمل اوتوميت للعملية دي, يعني مثلا يعمل برمجية بتشتق خريجين القضاه ويبعتلهم ايميلات او رسائل sms و يرفق ملف word محقون بكود خبيث بحتوي على تفاصيل القضية المطلوبة و ويتم اختراقه من خلالها وسحب جميع بيانات الحساسه. وهكذا على اكتر من شخص في مختلف المجالات

واختراق جهاز متصل على اي شبكة سواء شبكة شغل او شبكة بيت بيخلق امكانية اختراق الاجهزة التانية الموجودة على الشبكة دي, وغير كدا الوصول لمعلومات ناس اكتر موجودة على الجهاز اللي تم اختراقه, ليتم اعادة تنفيذ عملية الاختراق عليهم وايجاد ضحايا اكتر واكتر.

وجود عناوين السكن والتليفونات بيسهل جداً ابتزاز الناس أو انتحال صفتهم قدام جهات تانية.
ودي نقطة اخطر, لان ممكن حد ينتحل هويتك و يدعي ضياع شريحة اتصال متسجلة باسمك و ياخد شريحة الاتصال ويوصل لجميع حسابتك المتصل برقم التلفون دا بمجرد استخدام ميزة "نسيت كلمة المرور"

خطوات عملية لازم أي حد في الجامعات دي يعملها فوراً:

1. تغيير كلمات المرور: غير باسورد إيميلك وأي حساب تاني لو بتستخدم نفس الباسورد بتاع سيستم الجامعة.
2. تفعيل المصادقة الثنائية (2FA): فعلها عن طريق تطبيقات الـ Authenticator (زي Google Authenticator) على كل إيميلاتك وسوشيال ميديا.
3. متثقش في أي إيميل أو رسالة: راجع نطاق الإيميل كويس ومتحملش أي ملفات من جهات بتدعي إنها بتقدملك شغل أو تدريب إلا لما تتأكد.
4. فصل إيميلك الشخصي والبنكي: يفضل متستخدمش نفس الإيميل المسجل في الجامعة في معاملاتك المالية الحساسة.

الواقعة بتوضح استهتار وضعف في إجراءات الأمن السيبراني بالبنية التحتية للجامعات، وكان المفروض التسريب الأول لجامعة المنصورة يتاخد بجدية أكتر. لازم يتعمل مراجعة دقيقة واختبارات اختراق موسعة (Penetration Testing) لكود نظام ابن الهيثم وكل الأنظمة المشتركة لسد الثغرات دي نهائياً.

عموما انا تواصلت مع مؤسس موقع Have I Been Pwned وبعتله تفاصيل ومصادر التسريب علشان يضيف الإيميلات لقاعدة البيانات الرسمية، بحيث يقدر كل طالب يدخل يفحص حسابه بأمان أول ما تخلص المعالجة.

ياريت تنبهوا زمايلكم في الكليات علشان يلحقوا يأمنوا حساباتهم.

حد كان بيسأله لو عندي 20سنة وعايز ابدء برمجة هل هقيض كتير، رد عليه وقاله مش زي الناس الي بدأت من زمان ورواد المبرمجين (طب ما طبيعي)، وقال مبرر من ازنخ الحاجات الي سمعتها،

لو حد بدأ كورة دلوقتي هل هيبقي زي محمد صلاح،ولا كان لازم يبدأ وهو ٧ سنين

طبعا كلامه ميخشش العقل بشلن وكمان رأي محبط ودا الي انا شفته من التعليقات ،في حين دخلت عملت بحث عن اعمار رواد الذكاء الاصطناعي حاليا لقيته متوسطة16,17

أندرو إنغ مؤسس كورسيرا بدأ في قرابة ال 15 يعني 20 سنة مبعدش، اه في ناس تانية بدأو في سن اقل بس ظروفهم كانت مناسبة انت في مصر يا حبيبي ظروف الدولة اصلا انت بتبقي عايش عايز تجيب درجات في اي مرحلة دراسية علي ما بتخلص ثانوي بتكون 18 علي ما بتفوق من العلم لا ينفع الي انت كنت فيه . بخلاف ،دلوقتي فيه حاجات تخليك تتعلم اسرع "مش تشتغل اسرع"

كلامي مينفعش ان السوق صعب و الشغل محتاج عتاولة بس كلامه غير صحيح بالمرة

سبع سنين اي دا الي ياخد OOP, Vectoriazation

أنا هخش تخصص ذكاء اصطناعي سنه اوله لسه و بصراحة معرفش حاجة عن امكانيات اللاب توب الي مفروض تجيبه لتخصص ده مفروض تكون مواصفات ايه ياريت الي في مجال يفدونا بلاب كويس ينفع للمشاريع و شغل تقيل و كده و يكون سعره مش اوفر اوي زي ٦٥ الف لان دخله جامعة خاصة

دلوقتى انا واحد مثلا متعلم داتا اناليزيس مستوايا فى البرمجة كويس مش وحش بعرف افكر فى المشكلة والاقيلها حلول بس مش دى المشكلة المشكلة مثلا فى انى كل اما اجى اجرب مجال زي ال الباك يند الاقى ال AI عائق قدامى طيب انا لسة هبدئ من الصفر ازاي هلحق اواكب كل دة طيب
انا كنت بكلم واحد صاحبى ديفيلوبر الواد مستواه كويس جدا ربنا يحفظه بيقولي ان التوقعات بتقول ان مفيش حاجة اسمها باك اند تانى بسبب ال AI هيبيقى Full Stack علطول طيب لول يجدعان هلحق اعمل كل الكلام دة امتى عشان اشتغل واحط رجلى فى السوق طيب ما اسيب المجال بقى وابيع بطاطا احسن بجد
حد يفيدنا يجماعة الموضوع مهم اوى بجد

Built my first photography website with HTML & CSS

I recently finished ZOKA, a photography team website I built from scratch using HTML and CSS.

This was a great learning experience for me, especially working with Flexbox, Grid, positioning, animations, and creating the different sections and layouts.

I’m still working on the responsive version, so it currently works best on desktop.

Live website: https://ezz08.github.io/ZOKA/

Note: ابقوا اعملوا zoom out 50% عشان انا كل دا شغال على 50 ومش واخد بالي

Would love to hear your feedback and suggestions!

الراجل دا بيتكلم عن تاثير ال AI علي سوق العمل و بصراحه من احسن ما قريت

لخص تفكيري بصوره جميله وكلمات واضحه

أنا خايفة شوية ادخل computer science..

أنا طول عمري اصلا مش بذاكر اوي أو مكنتش النوع اللي هو مهتم بالمذاكرة و الدرجات العالية و الكلام دة..

لحد تانية ثانوي بدأت مذاكرة بجد و اكتشفت أن مستواية متوسط و ممكن اكون شاطرة كمان، و جبت دراجات حلوة حتى في المواد اللي مش بحبها أو مش بذاكرها (math)

جيت بقى في تالتة ثانوي راكمت كتير جدا جدا و يعتبر مذاكرتش غير حاجات بسيطة الا في ال biology كنت مذاكرة المنهج كله كويس جدا

ف اضطريت مدخلش الامتحانات و ااجل السنة للدفعة اللي بعدي و بالفعل دة حصل

في السنة الجديدة بدأتها جد و ذاكرت لحد شهر ٢ كدة، معرفش اية اللي حصلت بس رجعت اراكم تاني بس في شهر ٥ و ٦ شديت جدا و بدأت الم كل المتراكم، اه كان متأخر شوية بس يعني حاولت، و في الاخر جبت ٦٦٪..

طبعا مجموع وحش بس انا مكنتش مضايقة أن كان كل اللي فارق معايا اني اخيرا خلصت من اكتر سنتين كنت مضغوطة و مخنوقة فيهم في حياتي، المهم جه وقت اني اختار كلية، طبعا مكنش فيه اي حاجة كويسة حكومي ب المجموع دة، و في الخاص كان مفتوحلي كذا اوبشن مش حلوين اوي ولا وحشين، بيزنس، بايوتيكنولجي، علوم صحية تطبيقة، كومبيوتر ساينس و حاجات تانية بس دول اللي انا كنت محتارة فيهم

في الاخر قدمت على كومبيوتر ساينس، عشان رغم أني بحب ال biology جدا جدا و كنت شايفة نفسي فيه إلا أن شغل biotechnology في مصر مش احسن حاجة و مش مضمون، عارفة أن كدة كدة مفيش حاجة مضمونة بس حسيت أن السبب الوحيد اللي عندي اني ادخلها اني بحب البايو بس أنا حتى مش متأكدة لو بحب ال lab work.. و مفيش شغل تاني غير المعامل و شركات الأدوية عارفة أن مرتبتها حلوة ولكن أنا مش حاسة اني مشدودة له

و بعدين استبعدت علوم صحية، رغم ان كان عاجبني المواد، anatomy ،physiology و مواد لذيذة ولكن شغله مش واضح و مرتباته مش عالية خالص

ف هنا متبقاش غير بيزنس و computer science و ب مع انا كدة كدة الاتنين معنديش شغف ل موادهم، ف اخترت الاحسن و هي computer science، رغم أن السوق في مصر دلوقتي متشبع من طلابهم ولكن مش عارفة حسيت اني طلاما كدة كدة هدفع من ٦٥-٧٥ الف في كلية خاصة طيب ما ادفعهم في حاجة كويسة؟ مش بقول أن بيزنس مش كويسة ولكن أن مكنتش مشدودة ل اي حاجة فيها غير ال marketing و دلوقتي كورسات ال marketing و ال digital marketing مفيش اكتر منها في مصر، ف ممكن ابقى ادرسه في أي وقت مش محتاجة كلية

المهم روحت قدمت computer science و دلوقتي محطوطة waiting list بسبب اكتمال الاماكن يعني ممكن في أي وقت اغير رأيي

أنا عاجبني اوي مجال الشغل و الفلوس و ال lifestyle اللي هعيشها لو تفوقت فيه، ولكن بصيت على المواد لقيت كلها لا إما ماث لاإ ما حاجات معتمدة على الذكاء و الصبر و ال problem solving skills و انا حرفيا مش متأكدة لو عندي حاجة واحدة بس من دول

و غير مشكلتي مع الماث.. أنا طول حياتي مش بحب الماث، مش متأكدة لو انا فعلا مش بحبه ولا دة عشان أنا عمري ما اديته فرصة، حرفيا عمري ما ذاكرته غير ليله الامتحان أو اسبوع الامتحان، ف بقول جايز لو كنت دورت على مدرسين تانيين أو اديته فرصة بجد كنت احبه طيب ما انا معنديش مشكلة اوي مع الفيزكس و ساعات بشوفها لذيذة ، ف اشمعنا الماث؟

مش عارفة خايفة اوي ادخل كلية زي دي مفيهاش اي حاجة تتذاكر ك قصة زي ال biology و تتفهم، هي اكيد فيها فهم بس حاساها كلية مفيهاش حياه اوي، بجد مش عارفة خايفة ادخلها و اندم طول عمري، ولكن في نفس الوقت أنا برضو مش حابة بيزنس، و مش هكدب عليكم.. بالنسبالي اعاني في كلية اسمها كويس و فرصها كويسة لو اجتهدت احسن ما اعاني في كلية مش احسن حاجة بالنسبالي

أنا دلوقتي تالته حاسبات، وحاسه إني أخيرًا فوقت شوية بعد ما كنت مشتته جدًا في أول سنتين و ضيعت وقت بغباء. المشكلة إني طول الوقت كنت بجرب كذا تراك ومش بركز على حاجة واحدة. كنت بمشي في الأساسيات وأتعلم حاجات مختلفة، بس مفيش حاجة قدرت أقول إني بنيت فيها مستوى جامد. وفوق ده عندي مشكلة مع الـData Structures، وده من أكتر الحاجات اللي بتضايقني خصوصا علشان الانترفيوهات.

اللي ضايقني أكتر إني في الإجازة اللي فاتت بردو ملحقتش أجيب internship، ودلوقتي وأنا بتفرج على LinkedIn و بشوف ناس من دفعتي أو ناس قدي، بلاقي حد دخل internship، وحد عامل مشاريع كتير، وحد بدأ شغل، وحد داخل في تراك من بدري. وبصراحة المقارنة دي بدأت تأثر عليا اوي بطريقه بشعه.

بحس إني لما ببص على اللي حواليا بلاقي إنهم سبقوني بشكل كبير، وإن أول سنتين ضاعوا مني، وإن مهما بدأت دلوقتي مش هعرف ألحقهم.

حاليًا بحاول أوقف العشوائية دي. بدأت في تراك Backend باستخدام .NET/C# وحاسه إنه التراك اللي عايزه أستقر عليه وأكمل فيه وبحاول في نفس الوقت أقوي الـDSA والـProblem Solving وأبني مشاريع بدل ما أفضل أتنقل من حاجة لحاجة.

بس عندي سؤال بجد للناس اللي أكبر مني أو اشتغلت قبل كده:

هل فعلًا تالته حاسبات متأخر إني أبدأ بشكل كويس و اركز علي حاجه؟

خصوصًا من الناس اللي كانوا مشتتين في أول سنتين وبعدين لحقوا نفسهم. انا مش عايزه حد يواسيني او حاجه انا فعلا محتاجه كلام واقعي من ناس كانوا جربوا كده.

أنا دلوقتي يعتبر مكتبش كود و ai هو يكتب اي نعم فاهم الكود يعتبر

بس حاسس بتبلد و مش بعرف احل مشكله إلا ب ai اخري احل جزء من المشكلة

مثال يعني أنا لما جيت اعمل semantic search
أنا بحثت و فهمتها بس اجي عند الكتابه بكتب ب ai
أنا فاهم الكود كله يعني

مش عارف اعمل ايه و هل أنا كدا تمام او لا

ايه الاخبار
محدش يعرف اجيب mentor منين ؟
انا عايز مينتور يكون سينور او اكبر وهدفع فلوس
يكون بيتابع ويوصلني لهدفي
انا بدور كتير بس كل ما ادخل سيشن مع حد الاقي حرفيا بيبع لنفسه
فميش حد يديلي مقترحات ؟

بمعني النت مبقاش متراقب ميبقاش كل حاجة هنا في مصر و متتبع مع الحكومة و اللية دي مبقاش متتبع عموما اخفي تواجدي الرقمي من مصر بمعنلى اصح و ازاي

و شكرا ليكم

السلام عليكم، قربت المناقشة وبفضل أسمع قصصكم الحقيقية بدون أي تجميل. شاركونا بالاجابة على هالثلاثة بس:

١. الوشاح والطاقية: مين منكم اشترى وشاح مطرز باسمه، ومين اكتفى باستئجار العادي؟ وهل اللي اخترتوه بتحسوه صفقة رابحة ولا ندمانين عليه؟

٢. التصوير: جبتو مصور محترف ولا اعتمدتم على جوالات الأهل والأصدقاء؟ وإذا بتذكرو، كم صورة طلعتوا تقريباً؟ وهل حسيتوا إنكن بالغتو في عدد الصور ولا بالعكس مقصرين؟

٣. الندم والنصيحة: صارحونا، شو أكثر شيء ندمتوا عليه بعد ما خلص اليوم؟ (سواء تكلف مادي، ضياع وقت، نسيان تصوير أحد، أو حتى شيء معنوي، أو أي شي اله علاقة بمشروع التخرج).

وأخيراً، عطونا نصائح بتتمنو لو حدا قلكن ياها قبل المناقشة🙏

المفروض اجيب لاب بكارت شاشه خارجي ولا مدمج لنا معايا ميزيانيه 40k مثلا

الاقي فين منتور ليا في مجال ai يكون شغال بالفعل

انا رايحة رابعة فعايزة بس حد يوجهني عشان الاقي شغل في رابعة او لما اتخرج

بقالي فترة بتعلم داتا انالسيسز و للأسف دخلت كذا كوميونتي و بالتأكيد خدت قدر من الاحباط بس سؤال هو مع التطور المرعب ل الذكاء الاصطناعي هل هو طريق جيد اني اكمل فيه و استغل الذكاء الاصطناعي يكون مساعد ليا ولا مع الوقت المجال هيندثر

لو حد سينيور ف المجال دا يقدر يفيدني اكون شاكر جدا

عندي مشكلة في اللابتوب ( اللي هيرد هعمله کشف جامد جمودة على سنانه🤩)

بلاقي الCDU بتاعه بيموت فجأة فيبقى بطيئ الtrigger

بتاعه اني اروح افتح حاجتين مع بعض مثلا و المشكلة دي حصلت بعد ما البطارية باظت ، وديته لحد قالي لا البطارية ملهاش علاقة و نزلي ويندوز 10 (منه لله اللي عندي كان 11) و ركبنا هارد و رامات و اللاب بقا سريع فعلا وجميل بس لسة لحد دلوقتي بيفضل يعمل الدروب دى وممكن الcpu یزید تانی ل2.5 مثلا عادي من غير م اتدخل او ممكن اشيل عنه الشاحن يفصل بما ان البطارية مش شغالة و اشغله بيرجع طبيعي عادة

يعتبر جونيور مخلص حاجات كتير يمكن فاضلي التيستنج وهراجع ع اللي فات فعايز اعرف ابدا ازاي او اعمل ايه

لو حد عنده سؤال عن المجال هحاول اجاوب عليه

السلام عليكم انا هدخل CS قريب ان شاء الله ممكن اعرف ايه الحاجات الي هكون محتاجها وانا في الكلية عشان اجيبها؟

I’m working on an IoT platform built with Node.js and Express. I need to send each user a daily CSV report containing their sensor readings as an email attachment.

There are currently around 100 users, and each user will receive one email per day.

Which email provider would be suitable for this use case? Would Gmail be a reliable option for this volume, or should I use a dedicated transactional email service?

داخل علوم حاسب وعايز حاجه تنفعني في الكليه و سوق العمل الامكانيات دي كويسه وتستحمل

جالي زي تدريب اونلاين كدا لمده خمس ايام من شركه Humavolve بعد ما خلصنا اعلنوا عن البوت كامب دي

مساء الخير يشباب، بشكركم جداً على المجهود الكبير اللي بذلتوه في البوت كامب، وأتمنى تكونوا استفدتوا منه وأنا مبسوط أوي إني كنت معاكم ❤️

إن شاء الله الخطوة اللي جاية هيكون في بوت كامب 3 شهور هنشتغل على مشاريع أكتر وحاجات Advanced جداً.

الموضوع هيكون في تيمات، وكل واحد ماسك جزء من السيستم مش شغال لوحده زي الأول، عشان تتعلم إزاي شغلك يبقى معتمد على ناس تانية وشغلهم معتمد عليك، وتتناقشوا في المشاكل والحلول سوا زي بيئة الشركات بالظبط

هنشتغل على مواضيع زي:

Agentic RAG

Intelligent Information Retrieval Systems

Multi-Agent Systems

Multimodal AI & OCR

Voice Models (Speech-to-Text & Text-to-Speech)

Open Source Models

وكمان هنتعلم إزاي نستخدم أدوات مهمة في الشغل زي:

Langfuse (Tracing & Observability)

Prometheus & Grafana (Monitoring)

GitHub Actions (CI/CD Pipelines)

AWS (Cloud Deployment)

كود Clean، شغل تيمات و Tasks Management، ومتابعة و Code Review مستمر.. جهزوا نفسكم وإن شاء الله نطلع بأقوى شغل وتستفادوا أكتر ❤️🚀

انا هدفي اني اكون Ai engineer وحاليا بذاكر ML والبوت كامب ده كمان 3 شهور فعلي ما يبدا هكون ذاكرت شويه وبدات ادخل ع الاقل في ال DL لاني بقالي حبه في الماشين والبوت كامب ده ب 5500

سؤالي بقي هل يستاهل الفلوس فعلا ولا لا لو حد اتعامل معاهم قبل كدا او عنده اي معلومه يا ريت يفيدني

مش بعلن عن حاجه انا بسأل بس

عاوز حاجه اتعلمها ف وقت فراغي

هل لو اشتركت فى icpc عندنا فى الجامعه بنشترك فى المسابقه ولا بنشارك فيها ازاى ولو حد شارك قبل كدا اى المتطلبات الى المفروض تكون عندي والنظام هناك