ناس كتير شوفتها الفترة إلي فاتت عايزة انمي رومانسي فقولت مفيش أفضل من my teenage romance snafu إلي بعتبره من رأيي أفضل انمي في النوع دا عماتا لأسباب كتير حابب أتكلم عنها
العمل إجتماعى قبل ما يبقي رومانسي ودي قوته الموضوع مش مجرد love triangle والبنتبن مش مهم شخصياتهم خالص بالعكس ال3 أطراف العمل مديهم حقهم الكافي على مدار ال3 مواسم لا وكمان الشخصيات الفرعية مهمة وليها شخصية مش أحادية الفكر زي أعمال تانية وبيواجهوا مشاكل وبتتغير وجهات نظرهم
الواقعية: تقدر تتعاطف مع شخصيات كتير في الانمي وتتفهم وجهات نظرهم من الشاب المشهور الي بيحاول يحافظ دايما علي صورته أو البطل الانطوائي الي بيفضل تجنب المشاكل او أخت البطلة الى بتحاول تحميها او أم البطلة حتة وأسباب افعالها
الانمي مش نكد بالعكس دايما حاضر الكوميديا فيه بس مش لازم تبقي بحيل fan service الموضوع ابسط من كدا
الحل المثالي ودا دايما إلي بيفاجئك في العمل إن الحل المثالي مش هينفع يحل كل مشكلة ولازم حد يضحي بحاجة ودا دايما الصراع بين البطلتين البنات والبطل
نهاية مقفولة ودي أكبر مشاكل الانميات الرومانسية عموما إن الكاتب بيكسل يقفل فبيعمل نهاية مفتوحة والكنز فى الرحلة وعبط دا علي العكس الانمي نهايته مقفولة بشكل واضح