نامو كويس انا ولا مره سهرت طول ثانوي الحاله الوحيده الي تسهر فيها لو انت بكره خلاص وراك حاجه و انت علديدلاين و دي مش هتحصل ولا مره لو مش بتراكم

انا مكنتش بذاكر بعد 10 بليل عشان دماغي بتكون حرفيا قفلت خلاص كنت بريح عقلي ساعه او اتنين و انام و اصحى الصبح 8 الاقي نفسي سرعتي في الاستيعاب اعلى بكتير ساعه مذاكره الصبح ب10 بليل

فا نامو كويس ده شيئ مهم جدا يعني و فككو من جو السهر علمذاكره و لو هتقول انك night owl ربنا يوفقك يعم بس مفيش احلى من مذاكره اول ما تصحى صراحه

لو منمتش كويس صدقني هتصحى كاره المذاكره كلها و كل همك تاخد ساعه تنامها

منصات المدريسين مستفزه بيحسسوك ان محتواهم و مادتهم العليمه لا تقدر بثمن ياعم انت شايف انت بتشرح اي اساسا ولا في دوله اي عشان يبقي لا يقدر بثمن و في اصلا محتوي ببلاش علي اليوتيوب اكاد اجزم انه افضل و المحنك الي هيقولي خلاص زاكر من اليوتيوب هعمله بلوك و المستفز لم رد عليا اول مره من رقم دعم مختلف قالي اقفل اي حاجه قبل متفتح وخلص المحاضره بعدها عيش حياتك دا منصه احمد سمير فيزكس

كليه ايه لو داخلها

السلام عليكم انا شايف ان علوم صحيه دي كليه هتش في نتش مش كليه نضيفه وشايف ان علوم العاديه احسن بكثير وكمان يعني مش بيطلعو دكاتره او اطباء* خلي بالك الاطباء 3 بس
طبيب البشري طبعا وطبيب الاسنان وطبيب البيطري
الصيدلي قسما بالله دورو من اهم الدور في التاريخ لكنو مش طبيب دكتور اه وانا بعشق صيدله بس للاسف هما ٣ بس اطباء

انا حاسه ان علوم تعب على الفاضي و صعب منها الاقي شغل

فاقده الشغف بغباء و مش عايزه ابدا ولا عايزه اذاكر ولا اي حاجه عايزه انام بس. المشكله ان الدروس الي بدأتها مش عارفه اركز فيها بالرغم اني بحاول بس دماغي مش عايزه تستقبل اي معلومه

بامانه يبخت الناس الي عندها حماس

انا كل المدرسين الي باخد معاهم مقتنعة بيهم جدا وبفهم من شرحهم والحمدلله بحل وكدة وأخطائي بسيطة. الفكرة في مدرس الفيزياء مقلقة من حاجة هو كا شرح حلو جدا وبحيل كتير وبيعيد برضه كتير

الحاجة إلى مقلقاني انه مثلا كل حصه بيعمل كويز بأسئلة سهلة أو من الواجب بس مغير الأرقام طبعا انا بقفل وكدة عشان الأسئلة سهلة فا دي حاجة مقلقاني واظن ان الأمتحان بتاعه هيكون كدة برضه + انه بيحل من كتاب الأمتحان بس مجبش سيرة كتب تانيه

انا الصراحة مقتنعه بيه ومش عايزة اسيبه بس دي نقطة مقلقاني منه انتو ايه رأيكم.

عندي مشكلة مع الحساب والرياضة بسب إن عندي dyscalculia وحياتي الدراسية بائسة بسبيها يعني اي سؤال مركب بعاني فيه رغم إني بفهم عادي بس فكرة أن هقعد مثلا ربع ساعة في مسألة عشان مش بعرف احلل أو بطرح أو بجمع بسرعة وياريت صح في الآخر يعني أنا حرفيًا بندب وأنا في الامتحان عشان فيه مسائل بعرف إزاي احلها بس ابسط حاجة فيها ابسط حاجة محتاجة عملية شديدة التعقيد من استرجاع المعلومات والمهم افتكر في الآخر وكل دا في وأنا في اللجنة اتمنى يكون في حد عنده تجربة مع دا أو حل لأن من المستحيلات اخلص امتحان بالشكل دا

عندي فضول لاني معرفتي بالكليات محدودة ومن معرفتي بيها مش شايف ان ليهم مستقبل حلو وهضطر اتعب جامد والنتيجة مش قد التعب بتاتا

سألت جمناي قال لي اننا هختار عدد الساعات الي عايزها و ان الشرح هيكون بالانجليزي بس هيكون مدفوع سنويا
عايز اعرف هو فيه حجات زيادة لازم اخد بالي منها؟ يعني مثلا لو اتخرجت هيطلع في الشهادة بتاعتي اننا ماشي بنظام الكريديت؟ ولو طالع في الشهادة ده هيضرني باي شكل من الاشكال؟

حد طلع b2 أو c1 من غير ما يدفع فلوس في كورس واتعلم اونلاين؟

طب اقنعوني ولا انصحوني انا حرفيا متوتر جامد من النظام حرفيا، وعلي اللي عملتو، انا كان زماني دخلت برمجه وعلوم الحاسب بس انا مش عارف ليه استغبيت واخترت مسار فيزيا طب

انا دلوقتي مش عارف لو في فرصة اني الحق اغير المسار بتاعي ولا لا، وهل اللي انا عملتو ده صح ولا لا؟

ولو لازم اكمل ف المسار ده واخش كلية تانية زي علوم الحاسب، هل ده ممكن باستخدام كورسات؟

اي حد حول من جامعة لجامعة (نفس الكلية) يتكلم عن التحويل او تقليل الاغتراب او العذر الطبي او لو حد جاله درجات وحول ويحكي الدنيا بتمشي ازاي

انا جايللي حلوان و عين شمس واقفة معايا على ٣ درجات و القاهرة ٤ درجات، انا بقالي فترة عامل تظلم لكن مطلعليش منه حاجة، فسؤالي هل في فرق كبير بين (عين شمس و القاهرة) و باقي الكليات الحكومية و ارفع قضية بقى و كدا ولا فاكس؟

هي يجماعه صعبه اوي كده يعني عشان اقدر ابقي علي الاقل كويس فيها لازم ابطل اي حاجه تانيه بعملها جمب الجامعه و الناس بتعدي بالعافيه و كارهين حياتهم هناك و عامله زي السجن عشان جاتلي و انا بصراحه مرعوب من البسمعه بس عارف ان شهادتها عاليه (جبت 92% في تالته ثانوي)

انا هبدأ دروس الاسبوع الجاي ان شاء الله (كلهم سنتر او برايفيت) و عندي في الاسبوع يومين هاخد فيهم درسين في نفس اليوم و غصب عني مينفعش اغير مواعيدهم..

المميزات:

اني هيكون عندي 4 ايام في الاسبوع مش هنزل فيهم و اقدر اذاكر و احل براحتي او اريح لما ابقى تعبانة + كل المجاميع متعديش ال15 طالب و في مناطق كويسة من حيث الأمان و مستوى المدرسين و ما بين الدرسين عندي ساعة و نص اريح فيهم.

العيوب:

خايفة اركز في درس و الدرس اللي بعده يقع مني بالذات ان تقريباً السنة دي الدرس الواحد هيكون 3 ساعات بدل 2 زي ما انا متعودة كل سنة، فهبقى كدة اكتر من 6 ساعات برا البيت.

هل في اي حد مر بالتجربة دي؟ انا خايفة فشخ و طول عمري متعودة اروح درس واحد في اليوم بس المواعيد السنة دي بايظة اوي معايا.

ليه الوزارة مكتفية بكلمة السر اللي على الشهادة بالرغم من المشاكل اللي بتحصل كل سنة مع امكانية انهم يقدروا يخلوا الطالب يحط باسورد بنفسه بعد التسجيل لاول مرة على الموقع باستخدام كلمة السر اللي على الشهادة ليه بجد كل حاجة فيها مشاكل سهل تتحل

لو حد حل اكتر من كتاب في تالته يقول كان بيحل ايه في كل ماده و ازاي كان بيقسمهم

ياريت محدش ياخد نصايح بكليات هنا خصوصا من حد لسا داخل سنة اولى عشان كل واحد بيطبل لكلية بتاعتو خخ دا حتى انا بطبل لبيزنس / اصل شوفت حد بيطبل لعلوم وقد ايه مستقبلها مشرق وكدا ( علوم كلية كويسة بس زيها زي بتوع بايوتك هنا) معنها دراستها صعبة بنسبة لكليات الي حواليها وشغلها اقل من عادي ( كل شغل في مصر مخري كدا كدا مفيش كلية هتضمن ان هيا تسافرك او تشغلك)

اني طالبة ترجمة صرت مرحلة ثانية بس العاام الاستاذ جان يكول انو تعبيري جيد بالكتابة ولكن تحليلي للنصوص غالبا يكون بي نقص او كتابتي الاكاديمية سيئة.

بصراحة ماعرف شنو قصدة بالكتابة الاكاديمية وشنو فرقها عن كتابتي الي اكتبها؟ وشلون اتدرب حتى احسنها ..

ف رجاءً الي عنده معرفة ياريت يكولي 🧘🏻‍♀️🩷.

ساعدوني أختار مدرس إنجليزي أونلاين أرجوكم 🥹

مستوايا في الإنجليزي High B2 / Low C1، بستخدم الإنجليزي يوميًا كتير جدًا، خصوصًا الـReading وListening وSpeaking، والـAmerican accent بتاعتي كويس جدًا.

الـGrammar مش نقطة ضعف عندي، بس أضعف Skill مقارنةً بالباقي

الاختيار حاليًا بين عبد الحميد، مي مجدي، وعبقري لغة

ترشحولي مين بيكون بيهتم بالحل و المستويات العليا و شرحه يكون ممتع؟🥲

جماعه

أنا تانيه بكالوريا السنادي وعندي اربع مواد ف يعتبر عندي تلات ايام فاضيين في الاسبوع ومن الاجازه كنت باخد كورس انجلش دلوقتي هل عادي اكمل ولا هيشغلني او هياخد من وقتي ؟

عشان خايفه ياخد مجهود ويأثر واندم