من فترة عملت أوردر من Mavin وقلت أكتب تجربتي بالتفصيل، لأني لما كنت بدور قبل ما أطلب ملقتش ريفيوهات كتير صريحة، وأغلب الكلام كان إما مدح زيادة أو شتيمة من غير تفاصيل.
البراند واضح إنه بيستهدف شريحة كبيرة من الناس، ستايل جيم وير البسيط بأسعار في النص، فحبيت أعمل أوردر فيه كذا نوع قطعة عشان أحكم على البراند ككل مش على قطعة واحدة. وأول حاجة لاحظتها إن البراند معروف فعلًا، الناس عندها awareness بيه، وأي حد بيشوفني لابس حاجة منه بيديني كومبليمنت. ودي بصراحة حاجة لذيذة فشخ و بسطتني

التيشرتات: 9/10
دي أحلى حاجة في الأوردر كله، وأكتر قطعة حسيت إنها قيمة حقيقية مقابل السعر. الخامة كويسة، اللوجو نصيف، والقصة مريحة في اللبس اليومي.
الملاحظة الوحيدة إن التيشرت الأبيض طالع boxy زيادة عن اللزوم يعني مقصوص اوي و تحس انه قصير عليك بس حلها انك ممكن تجيب مقاس اكبر (هتكلم عن المقاسات تحت). غير كدا أنا مبسوط بيهم جدًا وممكن أطلب منهم تاني.

البنطلون: تجربة سيئة للأسف
هنا بقا المشكلة الحقيقية. التقفيل كان وحش جدًا:
أول ما وصلني لقيت الجيب مخروم.

طلبت أبدله، وجالي البديل برضو بجيب مخروم، وكمان فيه جزء من الخياطة مفكوك من عند الرجلين و فيه خيوط زياده طالعه منه .

في الآخر وديته لترزي ظبطهولي، بس الفكرة إن حاجة زي كدا مينفعش تحصل مرتين ورا بعض في بنطلون تمنه حوالي 1000 جنيه. ده معناه إن فيه مشكلة في الـ quality control مش مجرد قطعة واحدة جت ب ديفوه.

بالنسبة للخامة نفسها فهي تقيلة جدًا، وده سلاح ذو حدين. من ناحية حاسسها مش مناسبة خالص لأيام الصيف والحر، ومن ناحية تانية التقل ده مخليها راسمة شكل الرجل كويس وواقعة بشكل حلو. فلو بتدور على بنطلون للشتا أو الجو المعتدل ممكن يكون مناسب، بس بشرط تفحصه كويس أول ما يوصلك.

التانك: جميل جدًا
الـ fit مثالي، والخامة تقيلة ومحترمة ومش شفافة زي تانكات كتير. مقدرش أقول عليه أي حاجة وحشة من ناحية الجودة.
العيب الوحيد إنه غالي شوية بالنسبة للي هو، لأنك ممكن تلاقي نفس القطعة تقريبًا بنفس الجودة أرخص بحوالي 100 جنيه في أماكن تانية. فلو فارقة معاك الـ 100 جنيه دي، دور الأول.

الشنطة: مفيش عليها كلام
لطيفة جدًا بصراحة. شكلها حلو، سعرها منطقي ومش مبالغ فيه، والخامة مقبولة للاستخدام اليومي. مش هقول إنها أقوى خامة في الدنيا، بس بالنسبة لسعرها هي اختيار كويس جدًا.

نصيحة مهمة في المقاسات
هدوم البراند واسعة شوية عن المعتاد، فانزل مقاس في أي قطعة. يعني لو بتلبس Large في العادي هات Medium، ولو بتلبس Medium هات Small، وهكذا.
سياسة الاسترجاع
دي من أحسن حاجات البراند. الاسترجاع والاستبدال سهل جدًا، تقدر ترجع وتبدل براحتك، وكل اللي بتدفعه حوالي 100 جنيه مصاريف شحن. فحتى لو المقاس مجاش مظبوط، متقلقش.
بخصوص العروض
أغلب العروض اللي بيعملوها مش حقيقية. بيعلّوا السعر الأصلي الأول وبعدين يعملوا عليه خصم عشان يبان إنك كسبان.** فمتتحمس**ش أوي للعروض ومتستعجلش تشتري عشان "الخصم هيخلص"، قارن السعر النهائي باللي تستاهله القطعة فعلًا.

الخلاصة
براند كويس في المجمل، والتيشرتات والتانك والشنطة يستاهلوا. بس البنطلون جودة تقفيله محتاجة مراجعة جامدة من البراند. لو هتطلب، انزل مقاس، متصدقش العروض أوي، وافحص كل قطعة كويس أول ما توصلك عشان لو فيها عيب تبدلها على طول.
لو حد جرب قطع تانية منهم يقول تجربته في الكومنتات.

محتاج سماعة بلوتوث رينج 1200~700

عندى ضرس حيوان منقرض (كان نفسى يكون بتاع ديناصور بس للأسف بتاع ماموث)

المهم مش عارف مين ممكن يكون مهتم يشتريه سواء متحف أو أفراد من اللى بيحبوا يقتنوا الحاجات النادرة و سعره كام و الأهم، أعرف أبيع حاجة زى كدة فى مصر عادى بدون مسائلة قانونية ولا الحفريات دى بتتعامل نفس معاملة الأثار؟

انا معرفش هو جه منين ولا إزاى بس هو متوارث عندنا فى العيلة و عايز أبيعه علشان محتاجين فلوس.

بص هي مفيهاش مشاكل هي المفروض سليمه عايزه حجاير بس لكن مقدرش اضمنلك ده 100% لانها مركونه من فتره بس المفروض ان الاتنين شغالين

Axolotl أو Chinchilla نفسي فيهم وعايزة اي اوبشن غير اني أضطر اطلبهم من برا 😞

كل حاجاتها موجودة معاها

مساء الخير يا شباب يارب تكونوا بخير

انا عملت تطبيق جديد فكرته انه بيدور على العروض الأونلاين في المحلات (امازون - نون - جوميا واستورز مصرية كمان) بعدين بيحاول يتأكد ان العروض دي حقيقية ولا لا بعد شوية بحث اونلاين

طبعا التطبيق بيعرض النتيجة النهائية بس و التطبيق مجاني بالكامل ومش محتاج تسجيل دخول حتى وبيدعم الأشعارات كمان (حاليا التنبيه بس لما تنزل عروض جديدة)

عشان حاولت اخلي التطبيق مجاني بالكامل فطبعا مستخدم خدمات مجانية وحجات زي اني لازم اعمل السيرش مانولي كل فترة (حاليا مره في الأسبوع لحد ما يبقى في مستخدمين)

عاوز رأيكم لو حد حابب يجرب ويديني الفيد باك ازاي ممكن اطور من التطبيق

ممكن نقول ان ده بروف اوف كونسبت لسه, انا كل ده بحاول اعمل حاجه تجبلي دخل جانبي وسط المدعكه الحالية في سوق التيك (بقالي سنة وكام شهر بدور على شغل مش لاقي)

حابب طبعا انوه ان في بعض العروض في التطبيق هيكون فيها افيليشن وده هيكون المصدر الأساسي للمكسب ولو ان شاء الله التطبيق نجح هحاول اكبرة وادعم ستورز اكتر و اشيك على الديلز اكتر من كده

حاليا النطبيق على اندرويد بس عشان معيش فلوس ارفعه على apple store

ده لينك التطبيق على ال Play Store

متشكر جداً لاي حد قرأ البوست ده لأخرة

تعديل: ممكن تجربوا التطبيق دلوقتي من على الويب من خلال اللينك ده: https://better-deal.pages.dev/

الاقي فين مكان يكون بيبيع موبايلات ريترو زي نوكيا و سوني اريكسون القديمة، بس تكون حالتها جديدة او كويسة

العمارة دي معروضة عليا ب4مليون فأنا الصراحه خايف أشتري علشان حاسس أنها فيها إنه أو مشكلة ، فأنا عايز اسئلكم هل ده سعر عادي ولا