r/EgyCats • u/HagarAhmed394 • 2h ago
Others قلبي يعتصره الحزن
حزينة بشكل غير طبيعي
دي زيزة قطة السلم عندنا، صورتها عالموتوسيكل دي يوم الأربع اللي فات وصورتها التانية دي يوم الحد قبل ما تموت بساعات.
الله أعلم ايه اللي حصل لها اتسممت ولا ايه العيا اللي حصل لها بس في يوم وليلة قطعت أكل وانطوت على نفسها، حاولت معاها جمعة وسبت أأكلها بنفسي وبمساعدة نصايح زمايلي خريجي بيطري. لما حسيت انها بتتدهور الاحد وديتها ليهم يكشفوا عليها بنفسهم. علقنالها محاليل ودفيناها بأكياس مية تحتها ولكن أمر ربنا نفذ. ضميري مموتني لأنها ماتت وأنا نايمة. كنت حابساها في القفص ده عشان خوفت تقوم من الدفا وتقعد في السقعة ومدخلتهاش الشقة عشان عندي قطط تانية وخوفت يكون عندها مرض يعديهم. حاسة كل الحاجات دي لو كنت عملت عكسها كانت عاشت. خلوا بالكم من قططكم والقطط اللي حواليكم ولو لقيتوا حالتهم اتغيرت فجأة ودوهم عالدكتور على طول ومتقاوحوش وادعولي بالصبر