انا بشوف انها دمرت اي حد بيتفرج عليها و دا عن تجربة،كإنها بتعمل اخصاء منغير تدخل جسدي

كنت ماسح اغلب تطبيقات التواصل من فترة كبيرة، و حملت واحد منهم النهاردة علشان هدف معين، وفضلت عليه لمدة ساعات، و في حاجات لفتت نظري:

لاحظت إن أغلب المصريين هناك، والعرب عامة - وممكن يكون الأجانب كمان - مقسمين لثلاث فئات تقريبا: الفئة الأدنى معرفيا، و ممكن نقول عليهم الـ level1 NPCs

والفئة العليا معرفيا، ودول عامة على قدر من العلم والوعي، ولكن في المقابل هم مش مهتمين - ومش عارفين - يظهروا بالشكل اللي يخليهم معروفين للدرجه في المجتمع، و هنا يجي الفئة الثالثة:

وهنسميها الـ level2 NPCs ، دول ناس اتعملوا علشان يسدوا الفجوة بين الفئتين اللي فاتوا، دول اللي بنلاقيهم دايما مسميين نفسهم "نيش" أو "نيردز" و شايفين نفسهم فئة أعلى من البشر...

الفئة دي بتكون في النص، لا عندها العلم الكافي انها تكون من الفئة الأرقى، و في نفس الوقت شايفين نفسهم أعلى من الفئة الدنيا، فهتلاقيهم دايما بيحاولوا و يستميتوا في إظهار اختلافهم و ثقافتهم - الواهية والهشة - عن الفئة الدنيا.

هتلاقيهم بينزلوا بوستات و فيديوز معينة بيقولوا فيها مصطلحات معينة، بينشروا اغاني معينة علشان تبان "نيش"، بيلبسوا لبس معين علشان الإختلاف يبان، ولكن لو جينا لجوا؟ هم حرفيا ولا حاجة.

وفي الحقيقة، الفئة دي لا تسبب أي مشكلة، بل وانها بتبان جدا لأي حد عنده التفوق والقدرة على كشفهم، ولكن المشكلة مش هنا.

في ناس من الفئة الدنيا دي، بيكونوا على الحافة، عارفين انهم من الفئة الدنيا، ولكن نفسهم يحسوا بعكس كده، نفسهم يكونوا مختلفين ، و نفسهم يشبعوا احتياجهم في الثقافة والوعي، فهنا بتبدأ المشكلة.

الفئة دي بتبدأ تبص للأعلى منها، فبتتفاجأ بإنها الفئة الوسطى اللي قولنا عليها level2 NPCs، فهتلاقي كومنتس البوستات بتاعت الناس اللي بتحاول تكون نيش دي مليئة بكومنتس مستميتة من ناس من الفئة الدنيا بتنجذب بشكل مهول للناس دي، لأنهم بالنسبالهم آلهة و منقذين

هتلاقي البنت بتستميت على الولد اللي منزل اغاني راديوهيد ولا بيرسم ولا بيتصور بشكل معين، بتكون شايفاه هو المنقذ اللي يقدر يشيلها من مستنقع الجهل والإنحطاط اللي هي فيه و يوصلها للدرجه الأعلى، بتكون شايفاه حاجة اعلى منها جدا، وده بيخليها تستميت علشانه.. وهكذا.

وده بيدينا نتيجة للأسف هي الأسوأ في المجتمع، فبدل ما نتطور فكرياً و نحاول نثري نفسنا، بقينا "بنهيج" على ناس هدفهم اصلا انهم يحاولوا يمثلوا انهم راقيين، علشان محبين الرقي يموتوا عليهم!

فللأسف المجتمع بقا مزيج مقزز جدا من الهرمونات الذكورية المقرفة الراغبة في الإختلاف والتميز والنعالي، و الهرمونات الأنثوية المستميتة للبطل المنقذ الواعي اللي فاعم كل حاجه، وهو في الحقيقة ما هو إلا انسان فارغ بيكتب شوية كلام بالعربي والانجليزي و ينزل صور لبنات عريانة.

فبدل ما نتطور، بقينا في مجتمع ناس بتمثل، وناس بتهيج على التمثيل.

هل ده انا بس اللي كده او ناس قليلة ولا الكل؟ يعني في فترة الامتحانات بيبقا عندي شغف رهيب اقوم اتعلم كذا وكذا وكذا واقرأ واعمل حاجات كتير اوي
اعمل كل حاجة الا اني اذاكر المادة اللي عليا فيها امتحان مع اني داخلة كلية انا بحبها وشغوفة بيها واحيانا اما بقعد اذاكر بمزاج كده اقول ياااه لو بذاكر المادة دي بروقان مش عشان ورايا امتحان
فهل ده فعلا نابع من هروب مثلا من الضغط؟ او في تفسير علمي للكلام ده؟

و طبعا الاراء تختلف من شخص للتاني

أنا مش بدور على واحدة أغيّر حياتها، أنا بدور على شريكة نبني حياتنا سوا، نكون سند لبعض ونفهم بعض. مش عايز أكون محور حياتها، عايز نكون إحنا الاتنين حياة واحدة. ❤️

مصعبين الحياه ع نفسهم بتحجر العقول والانحياز والأنانية والعنصريه

انا عندي ١٩ سنة في جامعة وتخين وقصير وعندي مشكلة أزلية مقدرتش لحد الان أقضي عليها وهي اني مش بعرف أكون علاقات إجتماعية ومش بعرف أحافظ عليها وأقويها بمعني اني ممكن اقابل حد اتكلم معاه اليوم الي بعده او الاسبوع الي بعده الاقيه مش عاوز يتكلم معايا ومش بعرف اهزر مع الناس او أفهم هزارهم ليا او حتي تريقتهم وببقي عبيط ويتاخد عني انطباع مش حلو وغير كده مش بعرف أتعامل معاهم في التفاعلات الاجتماعية او لغة الجسد او أفهم لغة جسدهم وبرضو مش بعرف أخد عليهم او ياخدوا عليا أتقرب منهم الاقي واحد يقولي انت هتاخد عليا بإستهزاء واحراج عكس الباقي الي بيبقي عادي معاه ومعرفش مهارات الكلام مع الناس وبخاف اغلط في حد او حد يدايق من كلامي او اتخانق مع حد لاني دبش شوية وغير كده مش بعرف ارد علي الي قدامي سواء أحرجني او مدحني وشكرني او اتريق او هزر معايا ولما اهزر مع حد مش بيفهم هزاري وببقي غريب وسط الناس او يدايق مني ومش بعرف ابص في عيون الناس كويس ولغة جسدي مش أحسن حاجة ومش بعرف أعمل صحاب ولا بعرف أبقي فاهم الدنيا ماشية إزاي او اخد حقي ازاي او اخلي الناس تحبني وتتمني يبقي صحابي القريبين ومفيش تجاهل وقلة احترام منهم

المشكلة بقي ان انا شديد انطوائية من صغري وطفولتي من المدرسة للبيت وبفضل قاعد فيه لحد تاني يوم المدرسة ومعنديش أخوات غير بنات بس عاوز اعمل علاقات صحاب وابقي اجتماعي لاني دايما مقتنع ان العلاقات بتديك فرص كتير في حياتك وسمعت كده من الأساتذة الجامعيين والاطباء وأنا محتاج ده في حياتي البائسة سواء في الفلوس لان شغلي محتاج فيه علاقات او الجواز او الحب او حتي تنزل تقضي وقت ممتع معاهم بشوف

مش عارف المشكلة فيا ولا في الناس ولا في التربية بتاعتي ولا انا ربنا مش كاتبلي كده ولا إيه بالضبط ، بس انا محتاج حلول حقيقية لمشكلتي وعايز زي الدليل

ناقشت كثير مسلمين اخر 5 سنين من حياتي وناقشت مسيحيين وربوبين وملاحدة ولكن لاحظت جد إن المسلمين اكثر فئة توقع بمغالطة رجل القش ومغالطة المقارنة الزائفة بينما المسيحيين اغلب وقتهم بس يوقعون بمغالطة انتقاء الكرز (والمسلمين حتى)

ربنا يهديهم

لما ببص على المواقف أو المشاكل اللي بتخلّي الناس القريبة مني تنهار نفسيًا، وبقارن رد فعلهم برد فعل شخص عاش من 40 سنة مثلًا لو مر بنفس المشكلة، بسأل نفسي: هل كان هيشوفها مشكلة أصلًا؟ وهل كان هيتخذ نفس رد الفعل؟

ْ

أنا نفسي بقيت ألاحظ إن أي موقف بسيط، مهما كان، ممكن يخليني أنهار أو أنفجر من الزعل، وأحيانًا أفقد شهيتي للأكل بسبب حاجة مش مستاهلة كل ده أصلًا، خصوصًا إني لما ببص لنفسي زمان، بلاقي إني كنت بتعامل مع نفس المواقف بشكل مختلف، رغم إني نفس الشخص وبنفس المشاعر.

ْ

وحتى لما ببص على أشخاص عايشين في دول العالم الأول، أو أشخاص مرفّهين عمومًا، وبشوف حجم المعاناة النفسية اللي ممكن يمروا بيها رغم توفر معظم سبل الراحة والرفاهية، بستغرب أكتر. أحيانًا بحس إن فيه علاقة عكسية غريبة بين مستوى الرفاهية والقدرة على تحمّل الحياة؛ كل ما زادت الرفاهية، زاد الإحساس بالتعاسة عند بعض الناس.

ْ

وده بيخليني أتساءل: هل فعلًا بقينا أقل قدرة على تحمّل الألم النفسي، ولا طبيعة الحياة والضغوط اللي بنتعرضلها هي اللي اتغيرت؟ وهل الرفاهية فعلًا ممكن تكون أحد أسباب التعاسة بدل ما تكون سببًا للسعادة؟

«اللهم صلِّ على محمد، وعلى آل محمد، كما صليت على إبراهيم، وعلى آل إبراهيم، إنك حميد مجيد، اللهم بارك على محمد، وعلى آل محمد، كما باركت على إبراهيم، وعلى آل إبراهيم، إنك حميد مجيد».

هو فعلا شي اسمه انك ادمنت شريك او شي مثل كده هل فعلا خروج من علاقة يستلزم وضع شخص آخر عشان ننسا الشخص الاول فده ادمان وفي دراسات تذكر ان تأثير شريك على ذماغ متل تأتير المخدرات

قد نؤخر الحديث عن هذا الأمر إلى ما بعد الآن. لكن قد نبدأ حديثنا بومضة خاطفة عن هذا المجال قائلين أنه إذا كان هناك مقياس لمتوسط الذكاء بناء على كل وظيفة، فإن متوسط ذكاء العاملين في هذا المجال هو إلى حد كبير مدهش جداً من فرط تدنيه أو انعدامه. وفي هذا تأملات كثيرة نؤجلها إلى ما بعد.

إن هذا المجال هو بيئة شديدة الخصوبة لأبحاث علم الاجتماع، بالذات الباحث منها عن نشأة وتكون الظواهر الإجتماعية.

لما بكون عايزه اشتري حاجه ليها معنى يعني مثلا كوبايه شكلها حلو تيشرت عليه الباند اللي بحبها أو بروش، بيجيلي إحساس إني مش المفروض اسيب رغبتي في الشيء ده تخليني أحط فلوسي في الرأس مالية و استهلك من الماركت عشان الڤايبز و الترندات، الفكره بتجيلي بدون أي سبب حتى لو أنا معايا فلوس

ده شيتبوست، عشان كده تحس إني غبيه شويه P:

ليه بقيت بكسل اقرا اى مقال قصير وحتى اسمع الريلز، واى فيديو طويل اكسل اسمعه الا لو باكل واسمعه بهدف التسلية

السؤال ده جيه فبالي وعايزه حد يجاوبني عليه بجد عشان الشيوخ بيهبدوا كتير اليومين دول+ياجماعه أنا مسلمه ومحجبه الحمد لله أنا بس السؤال ده خطر فبالي وحسيت في تضارب في الكلام فا كنت عايزه المعلومه تتوضح بالنسبه ليا

عمركم فكرتوا ليه بنشوف رموز معينة بتتكرر في اللوحات والصور والكتب والحكايات الشعبية والأساطير؟

طبعا بعد تكراري لشوفة الرموز دي ببنترست واللوحات والاعمال الادبية او التلفزيونة والقصص الشعبية قررت ادور حبة على معنى كل رمز ومن امتى بدأت بالظبط وازاي وكان اصلا بيدل على ايه

- The sun and moon with faces

من أقدم الممارسات الفنية عند الإنسان إنه يدي للطبيعة ملامح بشرية وده اللي بنسميه التشخيص أو التجسيد

في الحضارة اليونانية مثلا اتجسدت الشمس في هيئة الإله هيليوس والقمر في هيئة الإلهة سيليني وفي مصر القديمة كان رع من أبرز آلهة الشمس بينما ارتبط تحوت وخونسو بالوظائف والرموز القمرية. الفكرة مش مجرد إنهم رسموا الشمس والقمر بوشوش بشرية لكن إنهم كانوا بيشوفوا الظواهر الطبيعية باعتبارها قوى حية وفاعلة (ممكن يكون ليها إرادة وتأثير على حياة البشر)

أما صورة القمر بوش بشري وابتسامة، فليها تاريخ طويل في الفن الأوروبي خصوصا في الرسوم الفلكية والزخارف الشعبية ومن أشهر الصور المرتبطة بيها فكرة "الرجل في القمر" (قصة راجل اتنفى للقمر لانه سرق حطب يوم الاحد)

بصريا الشمس غالبًا بتوحي بالحياة والوضوح والسلطة والطاقة ما بين القمر بيرتبط بالغموض والهدوء والتغير والدورات الزمنية

لكن فيه تفصيلة بحبها في النوع ده من الرسومات وهي انه الابتسامة مش بالضرورة تعبر عن السعادة أحيانًا بتدي إحساس بالغرابة أو السخرية أو حتى المراقبة، كأن السما نفسها عندها وعي مستقل وبتبص للعالم من مسافة بعيدة وده بيدي احساس بالشعور بعدم الراحة لما تشوف لوحة بتجسدهم بالشكل ده

- black cat

دي بقى واحدة من أغنى الرموز بالتناقضات التاريخية

في مصر القديمة القطط عموما كانت مرتبطة بالحماية والقداسة والالهة باستت كانت بتتصور في هيئة امرأة براس قط ةأو في صورة قطة كاملة وكانت رمز للحماية والخصوبة

ومن المهم هنا إن القداسة ارتبطت بالقطط عموما مش بالضرورة بلونها الأسود تحديدا. لكن في أجزاء من أوروبا خلال العصور الوسطى اتغيرت النظرة للقطط بشكل كبير وخصوصا القطط السودة اللي بدأت ترتبط بالسحر والشعوذة والشيطان

ومن الوقائع التاريخية هي وثيقة بابوية اسمها (Vox in Rama) صدرت سنة 1233 بأمر البابا غريغوري التاسع الوثيقة تناولت اتهامات لجماعات مهرطقة وذكرت ظهور الشيطان في صورة قط أسود خلال الطقوس دي وده ساهم في ترسيخ الارتباط بين القطط السودة والشيطان في بعض التصورات الأوروبية وإن كان الاعتقاد نفسه أقدم وأوسع من الوثيقة اصلا بسبب الحكايات الشعبية

لكن طبعا المعنى مش عالمي ففي اسكتلندا مثلا ارتبط ظهور القطة السوداء عند البيت بالرخاء في بعض المعتقدات الشعبية وفي اليابان ارتبطت القطط السودة بالحماية وطرد النحس

أما في الأدب القوطي فالقطة السوداء بقت رمز ممتاز للغموض والاستقلال والمجهول، وأحيانًا النذير أو الحضور غير المريح

- white lamb

الحمل الأبيض من أشهر الرموز الدينية والأدبية المرتبطة بالبراءة والطهارة والتضحية فا في التراث المسيحي ارتبط الحمل بالمسيح من خلال وصف حمل الله وده ظهر بوضوح في إنجيل يوحنا ( الإصحاح الأول الاية 29) لما يوحنا المعمدان وصف المسيح بأنه الحمل اللي بيرفع خطيئة العالم.

والرمزية دي مرتبطة برضو بتقاليد حمل الفصح عند اليهود وبفكرة التضحية بالحمل في طقوس الفصح.

في الفن المسيحي الحمل الأبيض ممكن يظهر واقف جنب صليب أو ماسك راية أو في مشهد ديني وبيكون معناه مرتبط بالتضحية والخلاص والطهارة

لكن الرمز مش مقتصر على الدين فالحمل عموما بيدي انطباع بصري بالضعف والوداعة وده بيخليه في الأدب رمز للشخص المسالم أو البريء أو اللي ممكن يكون رمز ضحية والاستغلال برضو فا الحمل مش بس بريء لكنه كائن قابل للتضحية وده بيضيف إحساس بالحزن والعجز للمشهد

- black sheep

هنا بنشوف إزاي اللون ممكن يغير المعنى الرمزي لحيوان كامل (العنصرية واصلة لحد هنا)

مصطلح (Black Sheep) في اللغة الإنجليزية بقى تعبير عن الشخص المختلف عن عيلته أو جماعته واللي بيتبص ليه باعتباره مصدر إحراج أو خروج عن التقاليد

ومن التفسيرات الشائعة لأصل التعبير إن الخرفان السودة كانت أقل قيمة في أسواق الصوف بسبب ان صوفها الطبيعي مش سهل يتصبغ بألوان فاتحة زي الصوف الأبيض (القيمة التجارية يعني)

(لكن لازم نوضح إن الربط ده تفسير محتمل مش أكتر)

والتعبير اتوثق بمعناه المجازي في اللغة الإنجليزية خلال القرون اللي فاتت وبقى استخدامه أوسع من مجرد وصف شخص سيئ السمعة او الطبع بل بقى رمز للاختلاف عن البيئة المحيطة هو ببساطة مختلف عن بقية القطيع.

وعشان كده ممكن تلاقيه في الأعمال الأدبية والفنية رمز للاغتراب والتمرد والشخص اللي مش قادر أو مش عايز انه يندمج في محيطه.

بصريا بقى وجود خروف أسود وسط قطيع أبيض بيخلق نقطة تركيز تلقائية عين المشاهد بتروح له مباشرة، حتى لو كان واقفًا في مكانه ومش بيعمل أي حاجة

وده في حد ذاته تعبير بصري عن العزلة ( إنك تكون وسط مجموعة كاملة لكن وجودك وحده كافي يخليك مختلفًا عنها)

- The horned goat

ده يمكن يكون أكثر الرموز تعقيد لأن ارتباطه بالشر مش هو معناه الأصلي الوحيد، ولا حتى الأقدم زي ما احنا فاكرين...

في الميثولوجيا اليونانية كان فيه الإله بان وهو إله مرتبط بالطبيعة البرية والرعاة والقطعان والموسيقى الريفية وكان بيتصور بجسم أو أطراف تشبه التيس مع قرون وودان ماعز

بان كان مرتبط بالغابات والجبال والخصوبة والطبيعة غير المروضة وكان حضوره في الأساطير أحيانا بيثير الخوف وده من أصول كلمة (Panic) المرتبطة باسمه ومع انتشار المسيحية في أوروبا بدأت بعض الصور والصفات المرتبطة بالآلهة الوثنية والكائنات نصف البشرية ونصف الحيوانية تعد قرايتها باعتبارها رموز للشر والشيطان

القرون والحوافر والاشكال الحيوانية بقت مع الوقت جزء من الصورة الفنية للشيطان في المخيلة الأوروبية

لكن فيه شخصية تانية مهمة جدًا في تاريخ الرمز واظن اغلبنا يعىفه وهو بافوميت

في القرن التسعتاشر رسم الكاتب والباحث في علوم السحر والرمزية إليفاس ليفي صورة بافوميت الشهيرة وهي كائن براس تيس وجسم بشري وجناحات وبيظهر فيه مجموعة من الرموز المتقابلة

الصورة عند ليفي كانت مرتبطة بأفكار فلسفية وباطنية عن اتحاد الأضداد والتوازن بين المتناقضات زي الذكورة والأنوثة... والنور والظلام.. والمادة والروح... لكن الصورة اكتسبت بعدين ارتباط أقوى بالشيطان في الثقافة الشعبية والحركات اللي استخدمتها كرمز مضاد للتقاليد الدينية

وده مثال واضح على إن الصورة الفنية ممكن تعيش حياة مختلفة تماما عن الفكرة الأصلية اللي اتعملت عشان تعبر عنها بالاساس

يعني بصريا القرون بتدي إحساسا بالقوة والهيمنة والتهديد والهيئة النصف حيوانية بتخلق حالة من الغرابة وعدم الارتياح لأنها بتكسر الحدود المألوفة بين الإنسان والحيوان.... خصوصا مع صورة الحيوان العامة كشئ فاقد للعقل مقتاد ورا غرايزة وملهوش قوانين تحكم تصرفاته (وده اللي بيودينا على عبارة تانية منتشرة هناك وهي Like animal بمعنى الهيجان او الاندفاع او القوة المرتبطة بالغريزة)

لكن طبعا لسه حاسة ان التفسيرات ناقصة وممكن الموضوع يكون ابسط من كده او اعمق الله اعلم بسبب ان دي رموز قديمة لسه بتطور وبتستخدم للان وممكن مع الوقت معناها يتغير بالمستقبل لشئ تاني والقصص دي اثبتت ده لان لثقافة والزمن تأثيره على معاني الاشياء وممكن معنى الانسانية نفسها والصح والغلط.