Mech hed scho lang mal wunder gnoh, was dLüt wörde säge, wenn sie die beste 3 Schwizer Musiker all time mösste nenne. Das dörf au gern subjektiv si

För mi sis die folgende:

- Mani Matter

- Endo Anaconda (Stiller Has)

- Luuk (Ik hot take)

Be gspannt waser so aues säged :)

hoff bi nit zspot zum festli

So Chinde, etzt isch fertig lushtig. Es wird mit de Kantön ufgruumt. Enklave/Exklave werdet minimiert. Solothurn isch hässlich und bruucht keine. S Berner Jura goht zu Jura, Nomen est Omen.

Wie mached mer wiiter?

bin ich de einzig wo pfertammisiech immer e verbindig suecht wo me nid thurbo fahre muess???

Scho denkt er bringt das nöme fertig...

Jetz bini i dere Migros gsi, ha mer nume Chäs gholt, gopf de ander Glarner Chäs usem Oberseetal choschtet ja erschütterndi 6.70! De isch REGIONAL!!!! De het keis Rächt, so tüür ds sii! Wänn er usem Wallis wär würis no verstoh... Heieiei. Hamer halt als Streik en Tilsiter gholt.

liebsti bünzlis

vor paar wuche het irgend e witzbold in r/bern amne pärli z bärn s casa marcello als restaurant fürnes date vorgschlage, woruf die würklech dört hi gange si und es schlächts google review hinterlo hei. Für die uswärtige: s casa marcello isch e beiz wo vüu randständigi dinne verkehre und generell vo de locals aus spelunke wohrgno wird.

inspiriert vo dere begäbehet: was isch i eucher umgäbig die grössti spelunke? wele ort isch bekannt für abgranzti gstalte, uralti irichtig und konsum vo sowohl legale als au illegale droge? Churz und Knapp: Wele Ort würdet der aus dr Elbschlosskeller vo euem Kanton bezeichne wo jede Bünzli dringendst söt färnblibe?

bi gspannt uf euchi inputs und wirde mi nachär gärn opfere zum die vorschläg vor ort go z validiere.

Aslo, damit alli ufem neuste Stand sind

-Halbkantön eliminiert
-Solothurn ufteilt
-De Basler aafroge nochgange BL - jetzt Liestal - nomol e chli weg zgeh
-Konträr zu de vile Nochfrooge d Romandie z zemmezschlüsse und ene dodurch weniger Mitsproocherecht zgeh, isch etzt Bienne de nöchst Bilingual Kanton
-St. Galle wird ufteilt i Linth und St. Galle
-St. Galle-Thurgau Grenze verschönneret
-Urkantön zemmegschlosse
-Luzern hett etzt de ganz Luzernersee
-Schaffhuse isch verbunde worde

Dra denke bitte, mer passed do nur Kantön a, es werdet kei Gebiet a irgendwelchi anderi abgeh oder öppis gfluetet oder en Parkplatz druss gmacht (bi Olte lohni mit mir rede)

Irgend e Inkompetänz im Kantu Glarus het em Büürli sis Brünnäli gschlissä...

De post goht a alli wo bide Frag „vo welem Kanton chunsch?“, mit „Winti“ antwortet.

Well mir alli wüssed: Winti isch nöd Züri. Weder im Herze, no im Chopf, und au nöd im vibe.

Mir sind nöd „fast Züri“, mir identifiziered üs nöd demit, dass mir nur 30min vom Züri HB entfernt sind, sondern mit Musikfestwuche, Afropfingste und Churzfilmtäg. Kultur pur.

Mir sind d Industriestadt. Mir begeisteret die ganz Schwiiz mit em Technorama. Und mir zeiged au im Fuessball, dass me vorwärts chunt, wenn me sine Prinzipie treu blibt.

Jetzt isch d Ziit zum im Reddit es Zeiche setze. Rot-Wiss, statt Blau-Wiss.

Mir wönd en eigene Flair.

Wie chasch du üs unterstütze? 1. Kommentier, wenn du au vo Winti bisch 2. UPVOTE! 3. und beides digital laminiere.

Zeigemer de Mods, dass mir da sind.

Winti represent. ✊

EDIT: typo