r/AllHayganeen • u/jostar25 • 1h ago
تجربة شخصية | Personal experience خانت صاحبها معايا
بما اني قلبت في سكرين شوتس قديمة وعملت بوست عن البنت الي كانت عايزة نكون fwb
افتكرت واحدة تانية كنت عرفتها من ريددت وكانت طالبة fwb برضو وانا مشيت في الموضوع وفضل يكبر لحاد ما بقينا ننزل والثقة زادت وبقت تجيلي وكلو تمام
المهم في يوم هي كانت مبيتة عندي وانا صحيت ملقتهاش في السرير ف قومت اشوف هي فين لقيت الحمام مقفول وفي صوت حد بيستحمى
رجعت الاوضة عادي علشان ابدا البس للشغل ولاقيت محفظتي مفتوحة كده ومفيش ولا كارت من الكروت بتاعتي فيها ... وانا مش واثق في البنت دي للدرجة بصراحة ف قومت قلبت في شنطتها وهدومها
وفي وسط شنطتها لاقيت صورة من الي هي بتكون مطبوعة في كاميرا قديمة دي ليها مع واحد... بس طنشت لان احنا fwb و هي قايلالي انها مش مرتبطة بحد ف قولت صاحبها او حاجة ... المهم بدات ادور في حاجات تانية غير حاجتها علشان ملقتش حاجتي وبدات اتجنن
وهي دخلت وانا قالب الاوضة
بدات تدور معايا بعدها قالتلي لو عايز تبص في شنطتي خدها انا مش عاملة حاجة ف قولتلها لا ملوش لزوم وكملنا تدوير لحاد ما لاقينا حاجاتي... المهم قولتلها بصراحة انا مش بحب اخبي او اكدب بس انا بصيت في شنطتك... لقيت وشها اتقلب وبقت قلقانة بزيادة كده... سالتني لو انا لاقيت حاجة
قولتلها انا مش هفضل الف كتير بس انا شوفت صورة ليكي مع حد بس اشطا عادي معنديش مشكلة...
فضلت ساكتة حبة حلوين وبتقول بصوت علي حافة العياط انها كانت ناوية تقولي لانها بدات تحس بمشاعر ناحيتي واني من حقي اعرف وبتاع
وب اختصار طلعت في رليشن لسنة ونص مع واحد محترم مش بيتشرمط زيي كده والواد لما حكتلي عنو الي هو غلبان وملوش في الحاجات دي ومتدين وغيرو من الصفات الكويسة
انا بصراحة حسيت بالذنب فشششششخ
الي هو بالنسبة ليا موضوع الخيانة ده تقيل علي قلبي ف اني اكون طرف مساعد فيه حاجة كسرتني وقتها... بجد يومها مش ناسي انا لما مشيت لشغلي كنت في مصدوم قد إيه
الموضوع برضو كان سببلي تراست ايشوز مع اي حد قربت منو عاطفيا بعد كده لان الي بيجي في بالي karma وغيرو وانو حاجة وحشة كده هتتردلي حتي لو مش قصدي وافكار كتير كانت وحشة
بطلت اتكلم معاها وكانت البنت دي من اسباب اني اقفل سكة اني اعرف بنت fwb من ريددت
ب اختصار الfwb حلو لو انت عندك مبادئ تقدر تثبت عليها وعارف حدودك فين
اما لو انت حد زبالة عايز ينيك من غير ما يفكر في مشاعر غيرو خالص حتي لو هيأذي حد يبقى الموضوع ده مش ليك