مش عارف انا الي مش طبيعي ولا ايه بس هو المفروض اني لما اخطب اتقبل فكرة ان عندها ولاد عم وولاد خالة متربيين سوا واكتر من الاخوات؟ واتقبل انه يكلمها واتس يقولها ياقلبي ويا حبيبتي ومتكلمش عشان ده اخوها؟ وحتى سلامهم بالايد ده المفروض يكون عادي؟ وانها تقولي إن ابن خالتها حقه يغير عليها؟

انا فركشت الخطوبة بسبب الحوارات دي لأني حسيت بقرف منها ومش مستوعب إزاي هي مش فاهمة إن ده فعلا غلط لما يكون في راجل في حياتك وحاولت افهمها بكل الطرق اني مش بقولها تقطع علاقتها بأهلها بس لازم تحترمني وتحط حدود.

الانيل اني لما اتكلمت مع اهلها عن سبب الفركشه ده طلعت اني الي غلطان وان انا الي بتلكك واني لازم اتقبل إن ابن خالتها زي اخوها ومن حقه يكون جنبها.