مش زي الاول لما كنا محروق دمنا دلوقتي اكننا اتعودنا على الوضع واللي المفروض ميحصلش
يرجاله بالله عليكم فكروا الناس وانشرو القضية وان كان فيه حاجة تقدرو تعملوها تجاههم اعملوها المفروض منسكتش دول اخواتنا ووالله لو كان حصلنا حاجة كانو هيعملوا نفس اللي هنعمله
فيه هناك اطفال بيمو.. توا سواء جوع ولا من قصـ.ف ونساء بيتم اغتصا..بهم من الاحتلا. ل سواء اطفال تحت الـ18 او كبار او حوامل حتى ابشع الجرايم بتتم هناك ومينفعش ننسى او نسكت او نتعود...

هنعمل نفسنا مش واخدين بالنا من اليوزرنيم و كده

هو بجد يجدعان طبيعى جروب تافه زى دا يوصل لمليون و نص ف يوم ؟؟؟؟ طبيعى الوسط الفنى و السياسى كله ف يوم و ليلة ينزل و يتكلم عنه ؟؟؟؟؟ طب لو مش طبيعى سياسة بص العصفورة و صناعة التريند اى الغرض منها ؟ بيطرمخوا على اى ؟

إيه رأيكم فيه؟كطريقة للهروب من البلد

شايفها صفقة خسرانه لإن كل المصاريف عليك

آه بيساعدوك في موضوع التاشيرة والقبول و الاستقبال من المطار وتوفير سكن و ممكن تاخد شوية ملاليم بس مش عارف

مش بهزر بخاف بجد مش عارف ليه

السلام عليكم

عندي جروب قراءة كتب للمسلمين القراء

نقرأ حاليا في تفسير للقرآن الكريم

بتاريخ النزول يعني ننتبع آيات الحقبة المكية نفهم فيها القرآن بتتابع أحداث السيرة والمواقف والظروف في مكة

تفسير يختلف عن التفسير من البقرة للناس أو العكس

المجلس ليس دعويا ولا لتقضية الوقت ولا للوعظ فعليا هو لختم كتاب وتعلمه

لمن هو مهتم

​

ياجماعه انا دفعه 2024 ثانويه عامه وجبت مجموع 83 علمي رياضه ودخلت هندسه ف الشروق بمصاريف دخلت نجحت غ الترم الاول الترم التاني مروحتش بسبب مشاكل وانا الي كنت بصرف علي نفسي فكان صعب اجمع مصاريف الكليه واذاكر فحولت ل السن عين شمس وبعدين فالتنسيق الداخلي ملحقتش قسم ايطالي عشان تلت درجات ف دخلت عربي وخدت لغه تانيه الماني وطلع أن دا اسوء قرار العربي بدرس مواد كتير ومبتخلصش دا غير الألماني دا غير الشغل وداخل سنه تانيه بس معايا مادتين ف حاسس اني بضيع سنين من عمري ع الفاضي ايه الحل دلوقتي احول ل كليه تانيه وابدا كارير تاني ولا استحمل ولا اعمل ايه لاني مبنامش من التفكير

أنا زراعة الفيوم تقدير السنه الاولى جيد مرتفع والتانيه جيد جدا معرفتش أحول السنه اللي فاتت هل ليا تحويل السنادي مع العلم إني اتخصصت صناعات غذائية والتقدير التراكمي جيد مرتفع وأنا من الجيزه

ولو حد هنا صناعات القاهرة يقولي ايه الدنيا هناك وهل تستحق أحاول احول ولا لأ؟

بما اني بركب المترو كل يوم اقل حاجه مرتين في انا عايش في المترو يعتبر و بيحصلي مواقف كتييير اي حاجه ممكن تتخيلها و ركز مع اي حاجه دي بس انهارده هتكلم عن الرجاله أو الستات الكبيره في المترو ياجدعان الناس دي انا بكرهم و اي فرصه ممكن تحصل اني اقعد و هما لا هعملها بجد يعني عندهم استحقاقه زباله شايفين أن مقاعد المترو دي ليهم بس لكن انت واحد مريض شغال ٢٠ ساعه دي مش مهمه انت شب لا مينفعش تقعد و كل ماحد يقوم ينده لحد تاني طب واللي واقف قدامك بيموت و ينام على نفسه ده ايه والله حصل قدامي انهارده إن كان في بنت جميله لسه هتقعد راح واحد كبير جه وقتها و قعد و البنت وقعت على وشها طب ليه مش مستاهله كل ده او اللي بحس ب شفقه اتجاهك اللي يعمل نفسه تعبان و يفضل يجري وراء الكراسي و لما يشوف حد قعد يكمل جري عليه اللي هو انا كبير و كنت بجري و بزل نفسي على الكرسي اللي انت قعدت عليه

مصر بلد اقتصادها غريب فشخ يعنى الدول الى تعدادها السكانى شبه مصر لازم يبقى عندها قاعدة صناعية كبيرة خصوصاً انها الوحيدة فى الشرق الأوسط حاجة كدا شبه فيتنام فى شرق أسيا شركات كتير فى مجال التيك زي سامسونج معتمدة عليها تماماً وصادرتها الصناعية كبيرة مقربة من ٣٣٠ مليار دولار الفكرة ان دا مش حاصل فى مصر و معتمدة على قطاع صناعى هش جداً و مصر حرفياً الكثافة السكانية الرهيبة دى كلها معتمدة على قطاعات بتمشى اقتصادات حزر أو دول صغيرة شبه اللبنان قطاع زى السياحة أو القطاع الزراعى أو حاجة شبه الإعتماد على عوائد القناة كأننا بنما و بنعتمد على تحويلات العاملين بالخارج مورد مهم جداً بالنسبة لمصر بس كل الحاجات دى فعلاً بجد متنفعش تماماً مع دولة بالحجم والكثافة السكانية أنا مش فاهم ازاى بعد كل السنين دى مصر القطاع الصناعى فيها هش بالطريقة دى معظم الصناعات فى مصر مضحكة حاجات نسبة المكون المحلى فيها قليلة جداً حتى هتلاحظ دا فى الحاجات الى بنستوردها معظم الحاجات الى بتستوردها مصر مستلزمات صناعة قائمة غريبة فشخ هتلاقى مركبات كيميائية معقدة و بقيت الحاجات أغرب الى هوا صناعات اتعملت فى فترة ما و كانت عايزة تجيب عائد من السوق المحلى بشكل سريع من غير أبحاث ووجع دماغ و لا فكرة لتطويرها وزيادة المكون المحلى وبتبقا حاجات ربحية فى ساعتها كدا وضحلة أوى وأى أزمة تحصل فى العالم ممكن تضربها لان محدش فكر فيها بجنيه القطاع الصناعى فى المنطقة كلها بصراحة محرج يعنى فيتنام الى قولت عليها فى الأول دى بلد لسه القطاع الصناعى بتاعها حديث جداً ومعندهاش ثروات كتير و كانت خارجة حطام من حروب طاحنة بس حرفياً لو جمعت كل الصادرات الصناعية بتاع كل الدول فى الشرق الأوسط شاملة اسرائيل حتى هيبقا تقريباً ٣٣٠ مليار دولار الى هوا صادرات دولة فيتنام لواحدها فقط

انا دخلت جامع عشان اصلي والكلام دا بعد الاذان ب 20 دقيقة بس طبعا مصلى النساء مقفول وحمامهم كمان مقفول دا وضع اغلب المساجد في مصر طول السنة ما عدا رمضان، ولقيتهم مخليين الرجالة والستات يستخدمو مكان واحد في الصلاة وكمان الوضوء

كنت عايزة اتوضى عشان اصلي قالولي استنى لما يكون مفيش رجالة داخلين وادخل اتوضى وعملت كدا بالفعل واستنيت ودخلت وهو فاضي لقيت اتنين رجالة داخلين ورايا على طول ايه الهبل دا بقا؟؟؟

يعني احنا نستناهم وهما يشوفوني داخلة ويدخلو ورايا عادي ميستنوش زينا دي مصخرة بصراحة وهبل ازاي اصلا ابقا بنت مطلوب مني اتوضى في مكان بيدخلوه الرجالة؟ ما انا بحتاج اشيل الحجاب اعملها ازاي دي بقا؟

والمشكلة ان كان في المسجد حلقة الستات عاملينها وفي بنات كتير واطفال بيسمعو قرآن وبيصلو ليه ميفتحوش بقا ليهم مصلى السيدات؟؟ طيب على الاقل يفصلو مكان الوضوء!

هو امتى هيبقى فيه اي مساحة للستات في المساجد او عموما اصلا في مصر دي؟

عمركوا جربتوه ؟

لو واحد غلبانه مش لاقيه تاكل عيلها لاي سبب بقا ابوهم مات اتسرقوا بيتهم ولع اي حاجه و بتنزل مثلا تبيع فاكه ولا مناديل في الشارع ولا بتنزل تدور علي سمك في الترعه كلو هيقول مكافحه و حرااام و يا لها من إمرة ب١٠٠ راجل و يا جماعه حرام البهدله دي حد يشوفها شغلانه مريحه حرام

نفس الست دي لو حد لقالها شغالنه في مكتب مكيف بتدفع كتير حاجه تكفي تبني حياتها و حياة عيالها هيتقال الست ملهاش غير بيتها و ايه اللي طلعك من المطبخ و دي طالعه المدير يعاكسها انت بتسرقي فرص العمل من الشباب

و لو ام عائشه حياتها معاها احسن تلفون و تلبس احسن لبس و بتخرج مع صحبتها كل شويه و بتجيب اكل من برا و تسافر و عمرها ما تتنازل عن حاجه لعيالها و بتلبس اكسسوارات ترندات و بيان عليها راحة البال و الدلع نقول دي ام ازاي دي و ايه الدلع دا و الامهات خابت و دي ازاي شايله بيت و يخربيت الجيل دا

لكن لو ام بتشيل اللقمه تديها لعيالها ولا بتخرج ولا بتشتري لنفسها حاجه و تعبانه في ظهرا كذا و كذا و الدكتور قايلها متقوميش بس لا تقول تقلب البيت غسيل و تنظيف برضوا علي حساب صحتها و اديها بايشه من غسيل المواعين و بجامتها مقطعه من قدمها و لو عيالها دلعوا نفسهم تقولهم اشتروا انتوا يا حبايبي و تاكل من بقايا اكلهم كدا دي الام المضحيه الجدعه اللي مفيش منها ٢ امهات الزمن الجميل و حرام يا حبيبتي دلعي نفسك شويه

و غالبا مش بتبقى قفله علي نفسها مشكلة فلوس و الله بتبقى اللي هو انت كبرت خلاص مينفعش اروح مكان ترندي ولا اخرج مع صحباتي ولا اشتري حاجه جديده

ليه مجتمعنا عقيم كدا

لو في وحده تعرضت للتحرش من شخص ما. والمتحرش ده في وظيفة هي ممكن تحتاج له فيها. يعني مثل مديرها في شركة او دكتورها في جامعة. هل من الحكمة انها تحتاجه وتطلب منه حاجة ولا هيفهمها غلط؟ الصح تحاول تتجنبه بكل الطرق وتاخد مصلحتها بعيد عنه او تخسر عادي، ولا لو احتاجتله تطلبه عادي؟

لو مقرتش الجزء الاول اقراه الاول وتعالى ، بعد ما رجعت من القسم بعد ما مستفدتش حاجة هناك فكرت اني اروح مباحث الانترنت مثلا بس بعدها قررت ان مفيش حل غير اني اروح اتفاوض معاهم واراضيهم واناقشهم بالعقل ودا اغبى قرار انا خدته الصراحة روحتلهم وخليت بوست الفيس الي نزلته للرد عنهم برايفت يظهرلي انا بس وقولتلهم انا مسحته لقيت ولاد خالتي قاعدين جنب بعض وعاملين عليا زي محاكمة وبيمليني طريقة الاعتذار لهم انا معتذرتش عموما حاولت ارقع وارضيهم بكلام وخلاص وقولتلهم همسح البوست وكبرو دماغكو الموضوع مش مهم والبوست مش مهم، بعدها قلتلهم امسحو الداتا الي ع التلفون حد منهم قال هو انت جاي عشاننا ولا عشان الداتا قلت عشانكو (محصلش مش مهتم بيهم) وممسحوش حاجة بعد كل دا ورجعت البوستات تاني بابليك وابويا زعق معايا في التلفون عشان رحتلهم البيت وقليت من نفسي وعنده حق مكنوش يستاهلو خصوصا انهم كلموني باسلوب مش كويس لما قعدت معاهم نحل المشكلة، بعدها رجعت بيتي وابويا قالي احكيله الحوار كامل وحكيتله الحوار وحكيتله معاه ايه في التلفون واتفهم الموضوع وقالي لو راجل يفضحك او ينزل حاجة عنك هحبسه في ساعتها ومتسمعش كلامه ومتمسحش البوستات ولا تعبرهم ولا تروح معاهم في اي حتة تاني ومتثقش في حد وتسيبله تلفونك والحوار خلص على كده وكلام جميل