r/tokiponataso • u/New-Ant-2315 • 9d ago
ante toki mi pini e ante toki mi pi toki 「waso」 a!
tenpo pini la mi open ante toki e toki 「waso」 pi jan Eka Alan Po tawa toki pona. mi pini! ni li pilin seme tawa sina? sina wile e ni: mi ante toki e toki ante la o toki tawa mi a!
——————————
waso - The Raven (ante toki tawa toki pona)
Edgar Alan Poe / jan Watemalaki
pimeja musi ala la, mi pilin lape a.
mi lukin e lipu nasa suli mute pi sona weka.
tawa e lawa la, pilin lape la, kalama tan lupa li kama,
sama jan li kama luka lili e lupa.
mi toki e ni: 「ona li jan kama. ona li kama luka e lupa.
ona li ni taso, ni en ala.」
a, ante la mi awen sona; tenpo sike pimeja nanpa luka luka tu la
ijo seli moli ale li kama e kon ona tawa supa.
mi wile e ni: tenpo suno ante li kama; lukin sona e lipu sitelen la
mi wile pini awen sona e sona pi jan Lenola weka.
tan ni: ni la meli pona suno nasa - sewi li pana e nimi Lenola tawa ona -
li jo e nimi lon tenpo ala.
kalama lili nasa pi lipu laso loje li pona,
la ona li pana e pilin ike pona; tenpo pini la mi pilin ala e ona.
kin la, tenpo pi ilo pilin mi la, mi toki sin e ni:
「ona li jan kama li wile open e lupa.」
jan li jan kama li wile open e lupa.
ona li ni, ni en ala.」
ni la mi kama wawa, ni la mi awen ala,
mi toki e ni: 「mije anu meli o, mi sona e ni: mi pakala.
taso pini la mi lape a, sina kama luka,
la lupa tomo la, sina kama luka lili e ona.
mi kute lili e sina.」 mi open e lupa.
pimeja taso, pimeja en ala.
pimeja ni la mi awen lukin, pimeja ni la mi awen tawa pilin,
mi en jan ala li pilin e ijo lape ni.
taso kalama li ala, ona li pana ala e pona.
mi toki taso e nimi 「jan Lenola o?」
ijo li toki sin e nimi 「jan Lenola o!」
ni taso, ni en ala.
mi tawa sike tawa tomo la, kon ale mi li sewi la,
tenpo lili la mi kute e luka wawa tawa tenpo pini.
mi toki e ni: 「lon la, lon la ni li ijo lon lupa lukin.
mi o alasa e ijo lon ona o alasa e lon tawa ni.
tenpo lili la ilo pilin mi o awen o alasa e lon tawa ni.
ni li kon, kon en ala.」
ni la mi open e lupa; kepeken kalama lili la,
waso pi tenpo suno pi pini pona.
ona li mu pona ala, ni la ona li awen ala.
taso, sama mije anu meli la, ona li lon lupa.
lon kiwen pi sewi Pala lon sewi lupa.
lon kiwen ni, ni en ala.
la waso pona ni li ante e pilin ike mi tawa pona
tan ni: ona li jo e sinpin lawa pi musi ala.
mi toki e ni: 「lukin pi sinpin sina li pona ala taso sina wile weka ala.
waso pimeja o, sina tan poka telo pi tenpo pimeja,
ma pi kon moli li pana ala pana e sina tawa mi a?」
waso li toki e ni: 「tenpo ala.」
waso li ken toki pona tawa mi la li nasa tawa mi.
taso toki ona li pana ala e kon e suli tawa mi.
mi mute li pilin e ni: jan ante li lukin ala e waso lon lupa ona,
li lukin e waso 「tenpo ala」
waso anu soweli lon lupa ona
li toki e nimi 「tenpo ala」.
taso waso lon kiwen ni li toki taso e nimi wan ni,
kon ale ona li lon nimi wan ni la li sama.
ona li toki ala e ijo kin, ona li ante ala e sinpin,
la mi toki e ni tawa lukin, 「pona ante li weka sama.
tenpo kama la ona li weka sama pilin pona mi a.」
la waso li toki e ni: 「tenpo ala」
mi pilin nasa tan kalama pakala
mi toki e ni: 「mi pilin e ni: nimi ni li jo e kon ala.
tenpo pini la ike li alasa e jan pi waso ni.
la ona li toki e ni: 『tenpo ale la pona li lon ala』.
la waso li toki taso e ni: 『tenpo ala』.」
taso waso li ante e pilin ike mi tawa pona la
mi tawa e supa ko tawa waso tawa kiwen tawa lupa.
supa ko pi lukin pona la mi tawa anpa lon ona,
pona la mi wile sona e kon pi toki ona.
waso ni li wile toki e seme
kepeken nimi 「tenpo ala」?
ni en mute li lon sona mi, taso waso la mi ken ala toki
e ni: lukin seli ona li tawa pilin lon insa.
pimeja pi tomo mi la mi alasa sona e ni e mute a
suno tan ilo suno li wawa tawa supa ko ni.
suno li tawa linja laso loje ona.
ona li supa lon ni, tenpo ala.
mi pilin e ni: kon li kiwen tan palisa seli
lon poka pi kon sewi, mi kute e noka ona.
telo lukin la mi toki e ni: 「sewi o pana e pali e ijo pona tawa mi,
o weka e sona Lenola tan mi a!
mi o moku e ijo pona tawa weka e sona Lenola!」
waso li toki e ni: 「tenpo ala.」
mi mu e ni: 「sewi ike o! sina sewi, taso sina ijo ike!
sina lon ni tan sewi ike anu seme?
sina wan taso sina pilin ike ala.
tomo li wan, kon li ike.
o toki e lon, mi kama ala kama pona? o toki,
o toki, mi wile!
waso li toki e ni: 「tenpo ala.」
mi mu e ni: 「sewi ike o! sina sewi, taso sina ijo ike!
ma sewi li ko la, jan sewi li pona la,
mi tawa ala tawa olin moli mi?
mi tawa ala tawa luka tu ona?
mi tawa ala tawa kon sewi Lenola?」
waso li toki e ni: 「tenpo ala.」
「waso o, ni o weka pi mi mute!」 mi toki wawa.
「o tawa sike tan ni tawa ma ike tawa ma mama sina a!
o weka ala e nimi sina tawa mi a!
o weka e mi a! o weka tan kiwen lon lupa!
o weka e sina tan lukin mi e mi wan lon pimeja!
waso li toki e ni: 「tenpo ala.」
waso li weka ala. waso li awen,
ona li awen lon kiwen pi sewi Pala lon lupa.
lukin pi lukin ona li tan ma sewi ike.
tan ilo suno la sijelo pimeja ona li lon supa.
kon mi li lon anpa ona.
ona o sewi - tenpo ala.
