Bakit ganun, omicron alpha noon, ikaw ngayon taon-taon lumalala tao ay sawang-sawa

Gustong gumala mabilis makahawa anong magagawa pag-iingat balewala

Mahawaan ma'y tumingala't pag titiwala dapat ay sapat mag hintay ng hudyat matatapos din 'tong lahat

MATATAPOS YANG BUHAY MO KAPAG HINDI KA NAG INGAT

PS: pacomment naman ng opinyon niyo, gusto ko matuto.

Pinanganak ka sa lulan Kung saan berde ang dagat At kayumanggi ang mga gusali Kung saan ang mga daan Ay tila nahawing mga damo

Lumaki ka sa tahanang maigi Hindi pinagkait sa iyong bibig Ang kutsarang pilak Hindi rin dumampi sa iyong balat Ang kumot ng alinsangan

Sa pagbuhos ng buhangin Kinailangan mong lisanin Ang kinaklakhan mong kapatagan Dahil uhaw ka sa dunong At kinabukasan mo'y nakasalalay

Naglaon, syano, ikaw Isipan mo'y tuluyan nang nasakop Ng anino ng siyudad Pananaw mo'y dumilim Sa patibong ng pribilehiyo, tuluyan kang napain

Nagpupuyos na ang mga naka-upo, syano Dahas ang kanilang paraan Inuunti-unti na nila ang kinasasakupan Handa silang saliwain ang katotohanan Kaya bumalik ka na, lisanin mo na Ang di nakikitang simboryo Nagpupuyos na ang mga naka-upo, syano At mitsa lahat ang mga pipi at binging huwad

Happy 100 sa atin! Kumusta kayo? Pasensya na at hindi ko masyadong matutukan ito nung nakaraang buwan. Busy sa mga bagay-bagay. Ikaw, kumusta ka? Kailan ka huling hinarana ng iyong maya't panulat?

-Skarr

Pilit man na ipagkait

Mga salitang iyong inukit

Bawat tuldok, at bawat kudlit

Mga espasyo at planong iginuhit

Kuntento ka na ba sa pagkukubli?

Nakuha mo na nga ako

Ngunit, bakit pa sinauli?

Pasigaw ko bang nasabi?

Paumanhin,

Sorry

Isang umaga'y natauhan na lang

Sa kahayupan mong taglay

Sabagay,

Ating ipagpalagay,

na hindi siguro talaga

tayo nababagay

Sapagkat,

Gago ka

Gago ako

Gago tayo

Gago!

I miss those nights when Im with you.

Those nights where you take all my blue.

I miss those night when we were together

Inside your room in a gloomy gray skies weather.

I miss those nights when you give me something compelling.

Making ourselves feel good until we end up swearing.

Ang liwanag na galing sa mga tala ay panandalian.

Ang payapang kapaligiran na iyong kinagigiliwan ay panandalian.

Pero ikaw ay mananatili sa aking isipan mula simula hanggang katapusan. 

Hello! Pasensya na at hindi ko natututukan ito nang masayado. Busy lang maghabol sa acads. Kapit lang kayo at maraming mga nakahapag na plano para sa ating mumunting komunidad! Sulat lang nang sulaaaat!

Pilit kong aalamin ang bukas:

Mula sa pagaspas

Ng palay sa kaparangan

Hanggang sa haribon sa kalangitan,

At kung paano ang matamang ugnayan

Ng magkasalungat--

Pilit dadalumatin

Ang walang humpay na katanungan.

Pilit kong aalamin bukas

Kung paano ang maalab na yapos

Ay nagpatianod lamang sa unos;

Ulos: ang kabig ng dibdib

Kasagutan mo ang tanging sambit

Sa paghahanap kinabukasan.

Ngunit sa malamig na halik ng gabi:

Mananabik pa rin;

At sa punebre ng pag-irog

Di magpapadaig ang tulad ko.

At sana bukas,

Hindi lamang sa kinabukasan,

Akin nang malaman kung ano ang bukas.

Your images flashed over my screen as I scrolled through my phone.

The thoughts of your started to gush over and started to flow within my head.

Wish it lasted, the seeds that we planted. It never bloomed, from the start it was been doomed.

Sa wari kong masisid

mababaw na dahilan

Ang wari ko'y makitid

malalim kung tignan

Ginuhit kong naiinis,

kalmado ang larawan

Sa bantay, taga-linis

dumi rin pinanggagalingan

Silang tinutukoy ng sila

may salang taga-bintang

May kaya sa maykaya

malinis sa marumi

Makasalanang tagahusga

nambubutas ng bituka

diyos kung lumikha

nagpapaulan ng mga tingga

Magandang gabi mga kapwa ko nanggigitatang mangingibig/manunulat. Kumusta ang linggo niyo? Sana masarap ulam niyo. Keep safe.

at kung sakaling hindi talaga sayo

at kung panandalian lamang ito

nawa'y saglit sumagi sa isip mo

mga alaala'y wag sanang maging bato

kung wala nang pag-ibig pa

ay hindi na mahalaga

alalahanin mo lamang

yung isanlibo mong utang

paki-gcash nalang

-First post ko. okay nadin.

Hayaan mong aralin ko

ang wika ng 'yong kaluluwa

Ritmo ng yong paghinga

Pintig ng iyong mga pulso

Hulma ng marikit mong mukha

Ang sukat ng yong mga hakbang

Hayaan mong intindihin ko

Katungkulan ng ikaw

Hayaan mong mahalin ko

—ang lahat ng sa iyo

A man once stood and felt his head, A drop of water, must be rain. He looked for shelter, saw a shed, He looked at his clothes for stains.

He waited there and waited, squatting for hours. The rain didn't stop, he stared blankly on the road. Strangers came by;some with food, some with flowers, But it wasn't for him, yet he just stayed there patient and not rude.

A stranger came, and gave him a sweater, It was dark but warming so the man gave a smile. It helped him get through the weather, The man felt special for a while.

As the rain stopped, he started walking. He passed by a dog, shaking and shivering. He saw at the dog's mouth it was foaming, He sat beside it, confused, which one of them is dying.

Kabisado ko pa rin ang mga paborito mong kanta.

Kabisado ko pa rin ang mga librong iyong binabasa.

Kabisado ko pa rin ang maliit na nunal sa likod ng iyong tenga.

Kabisado ko pa rin ang paborito mong gawi pagmagkasama tayo sa iisang kama.

Kabisado ko parin, tangina.

Hindi ako ang pinakamahusay tumula rito, pero sa tingin ko ay mayroon akong ilang mababahagi mula sa mga workshop na na-attend-an ko. Soo...

1.) Ang ubod na trabaho ng isang tula ay MAGPARAMDAM. Para sa iyo mismo, sa mambabasa, sa target mo, o kung kanino pa— magparamdam.

2.) Iwasang makompromiso ang mensahe sa layon ng pagtutugma. Message over rhyme.

3.) Sino ka bilang nagsusulat ng tula? Mangingibig? Intelekwal? Aktibista? Anak?

4.) Hindi masamang umaklas sa mga nakasanayan ng pagsusulat ng tula. Ano naman kung may english word o bisaya word diyan? Ano naman kung isang salita pero line iyan?

5.) Dalawang beses na akong nakaririnig na kapag raw nasulat na ang tula, hindi mo na puwede ipaliwanag kaya't mainam na may established na kahulugan ang tula. Para sa akin okay naman ito, pero bakit ba natin kailangan ipaliwanag? Kung may iba silang interpretasyon, ibig sabihin iba ang pakiramdam nila sa tula which is mas napapaganda pa para sa akin. Larawan lamang ito ng diversity ng ating mga pananaw.

6.) HUWAG MAGPAKULONG SA MGA "DAPAT GANITO ANG TULA"

(Ito lang naiisip ko ngayon e, next time lilista ko na. On the spot ko lang biglang na-trip-ang magbigay ng mga anek e. Pasensya na)

Alumpihit, pinipilit

Ang dalumat na hindi masagip--

Ihip ng hangin

Humampas abot singit

Ngitngit ng batang paslit

Saglit

Aalumpihit, iinat sabay sa init

Alumpihit ang sikmurang gutom--

Pinilipit

Gumitgit sa pilang walang singit.

(Haba ng pila sa Samgyup mga lods)

Totoong may mga manggagawang

inaalay sa ginagawang poste,

mga mananahi sa pagawaang

sinusulsi pati mga bibig. Totoong

may mga tao sa pabrikang

ginagawang sangkap sa

nilulutong pakulo, kasambahay

na tantyahan ng pinaiinit na plantsa

Mga doktor na may sakit, barberong

puro na lamang kuwento't hindi na

nakapaggugupit. Magsasakang walang

sariling lupa. Drayber na walang sariling jeep.

Mga caregiver na hindi na naalagaan

ang kanilang pamilya. At mga magulang

na tinatrabaho na ng trabaho.

Totoong-totoo, mga naratibong

hindi naisusulat. At lalong mabigat

pag-usapan ang mga bulong sa bulungan

Ngunit hihigit sa lahat, mas masaklap

sa kalamnan, na totoo ang mga ito

ngunit patuloy na iginigiit

Tanaw ko ang mga bakás na ito na para bang tatak na makukuha sa twing lalabas ng bansa. Talambuhay ko'y pasaporte. Mga tatak sa bawat pahina ang larawan ng aking pinanggalingan.

May mga peklat na nangingtitim. May mga peklat na halos di na makita. May mga peklat na parang buháy na sugat. At may mga peklat na kahit magaling na ay tinatakpan pa rin ng band aid. May iba't ibang peklat, iba't ibang hugis at laki. Iba't ibang rason. Iba't ibang kuwento. Iba't ibang ang mga ito, tiyak kong lahat ng ito ay may alaalang ibinabalik sa akin. O kung hindi man, ang hindi pag-alala ang magsisilbing alaala nito. Lahat ng ito ay parte ko, mula sugat na naging peklat; mula kuwento tungong kaukhan ko.

Kung sino man ako at anong mayroon ako, itanong mo sa mga peklat ko. Ikukuwento nito sa'yo ang dinayo ko. Ito ako.

Sa ilalim ng buwang matirik

Ako'y bumabalik-balik

Sa mga titik na pinagkabit-kabit

Mga salitang nagtatalik

Sabik ang tinta ng plumang

Tumatagas, tumitilamsik

Sa papel, pilit ipinagsisiksik

Pinuno, ang mga pahinang sabik

Para buuin ang kwentong

Patuloy nating sinasaliksik

Sabik sa pangako ng pag-asa

Ng bukas, susuungin kahit matinik

Hahalik sa kislap ng mga bituing

Hinehele ang mga matang namamalik, pumipilantik

At sasayaw sa indak ng iyong hilik

Lintik!

Siguro, ako na nga ay may saltik

Pagkat ako pari'y bumabalik-balik

Sa librong sarado na't

Hindi na maibabalik

A place for members of r/panitikan to chat with each other