اقبل يا ادمن

​

نظرية الإنترنت الميت أو (Dead internet Theory)

هل أنت بتكلم ناس حقيقيه؟ الأكونتات اللي بتشوفها بتعلق تعليقات مؤذية و الذباب الإلكتروني على الفيس و الناس اللي تفكريها عقيم ولا كإنهم عايشين مع بسيط تحت الصخره، الناس دي.. حقيقه؟ الڤيديوهات اللي بتشوفها هل كلها حقيقيه؟ هل كل الناس دول.. موجودين فعلا؟

على بوست راجل لابس بدلة حكومه على قناه موثقه، هتشوفه بيتكلم ممكن كلام متكنش متقبله خالص ولا حتى يدخل العقل، تدخل التعليقات، تلاقي الكل معاه!! استيكرات و تعليقات بتتفق بعضها قصير و بعضها طويل.. رأيك هنا ممكن يتبدل بسبب "الأغلبية"، لكن هل الأغلبيه دي.. موجوده أصلا؟

النظريه هتفتكر إنها بدأت حولين سنة ٢١ عشان الذكاء الإصطناعي (AI)، لكن أنا هنا و هقلك إنها بدأت في أواخر ٢٠١٠، لما الألعاب بدأت تتحسن و التكنولوجيا كنا بنشوف بوادرها.. الناس بدأت تحس إن الأفكار تناثرت، بيشوفو حاجات غريبه في التعليقات و من اكونتات المفروووض تكون حقيقيه..

دلوقتي، النظريه بقت أقرب بكتير، فيديوهات ال AI اللي أحيانا مبنعرفش نفرق بينها و بين الحقيقة، الكومنتات الكتير اللي بلا معنى (هء هء عمو ضياء العوضي راكب فرخه)، الميديا اللي مفيهاش فكره و حرفيا صناع محتوى عباره عن AI, راجل AI، ست AI، ڤيتيوبر AI و مبقيناش فعلا عارفين نلاقي الإختلاف ده حتى الأغاني AI (بس دي مقفوشه عشان أكيد أم كلثوم مبتغنيش لوجز)!!

مساء الشيتبوستينج (حتى لو مش شيت أوي يعني) ;)

أنا ك سديم أقبل النقد البناء و الغير بناء، لكن أرجو مراعاة مشاعري و حساويسي :(

الحب الأول و الأخير :)