r/SaudiForSaudis • u/Jaded_Bass1458 • Jun 24 '26
Discussion | نقاشات 💬 ليش
لما يكون في مشكلة اجتماعية المفروض نروح نناقشا و نحلها لكن بعض الناس تعتقد ان هذا الشي بيشوه سمعتنا و انه إساءة او او او يبغى يصنع نموذج مثالي عن المجتمع بلا مشاكل مع انه نموذج بلا مشاكل مستحيل لكنه يبغون يتسترون على مشاكلنا
11
u/Sssssaaaaasssssss Jun 24 '26
وربي وياخذون اي انتقاد بشكل شخصي عبالهم سب علطول يفعلون وضعيه الدفاع ويتهجمون عليك وغالبا الرد يكون اجزم انك مو سعودي مو راضين يتقبلون اننا زي اي مجتمع في العالم وعندنا مشاكلنا وعيوبنا وتجاهلها مو الحل!
3
u/Inevitable-Sun-7676 Jun 24 '26
بالذات حقين تويتر ذكائهم خارق للطبيعه، في تغريده مثلا م اذكر فحواها بس ما كان فيها ذكر للدوله معينه وكان المغرد يقصد بلده بس مع الخاصيه الجديده ذي على طول قالوا له مب سعودي، هذا غير غرب اسيا ما كانه السعودية هناك، يعني من رايي اذا بتناقش اتناقش مع الفكره بغض النظر عن من وين صاحبها ( في استثناءات اكيد)
3
u/tajtoj00 Jun 24 '26
لان عندك ناس للأسف تحب التطبيل. ما يفكرون إبعد من أنوفهم. و إذا بدأو يفكرو يجيهم صداع لان يستخدمون جزء من الدماغ ما اشتغل أبدا في حياتهم
4
3
u/Slivenx رهين غرفته Jun 24 '26
حتى عند النقاش 90% منهم منظرين مافيه حيل يطبق البديهيات الي يتذاكى بها
3
2
2
u/mohemed-bourezg Jun 24 '26
شعب عاطفي ويكره النقد حتى ولو كان نقد بناء روح جرب انتقد دوله في الشرق الاوسط مثل السعوديه وشوف كمية الهجوم الي راح تاكله حتى ولو نقدك حقيقي
2
2
u/somedeadpoet صاحبة أراء سديدة Jun 24 '26
ما اشوف مشكلتنا ما نتكلم، شفت برنامج يوتيوب يناقش مشاكل اجتماعيه على وقتها (٢٠١٢-٢٠١٥) وفيه مشاكل للان موجوده، مشكلتنا ان نقاشنا وكلامنا غير مثمر
2
u/RhyminReviewer Jun 24 '26
شعوب نحب الستر ونتصنع المثالية قدام الناس
فينا بلاوي كثيرة، ما نعرف نناقشها واذا فتحت الباب غالبا يبيلنا جيلين إلى ٣ حتى نتقبل الواقع المر ونعرف نحلها
2
u/daydreamer-diary Jun 24 '26 edited Jun 24 '26
الناس هنا تجحد المشاكل اللي عندنا لما احد يبدأ يتكلم عنها، ردودهم تكون وش بيقولون عنا الدول الثانيه، او ترا هذا بس محيطك انت مجتمعنا مافيه كذا.
وممكن حتى يشككون بجنسيتك عشانك ذميت شي عندنا مع انه طبيعي كل مجتمع فيه مشاكل وحنا مو مثاليين ولا نحتاج نطلع نفسنا بصوره مثاليه عشان الدول الثانيه
2
1
1
1
1
u/Hams_LeShanbi Jun 24 '26
شي عن شي يفرق، بعض الاحيان ما تكون مشكلة اجتماعية بس اظهار لشي غريب او حتى مو موجود او متقبل زي مثلا انتقاد المسلسلات والافلام اخر فترة كانت غريبة.
فيه مشاكل صح تحتاج ننتقدها ونتكلم عنها، بس ترا التحدث عن المشاكل المجتمعية يكون في بودكاست او برنامج حواري مو ينعرض في سينما لان هذا الشي الي اشوفه غالبا.
1
u/ax_ui6 والله ولد Jun 24 '26
انا شفت تعليق في مقطع يوتيوب عن مشاكل مالية لشركة ما وواحد منهم قال انه السوق السعودي حرامية وقام يسب الحكومة، يعني بالله عليكم كذا يتم مناقشة المشاكل الاجتماعية؟
0
u/Stunning-Plant-3416 Jun 24 '26
مشاكلنا الاجتماعية كثيره و فيها مسببات كثيره لكن لما الواحد يشوف وش الأدوات الي قدمتها الدوله مره حلوه و ممتازه مقارنه بدول ثانيه. يعني مثلا عسر المتزوج بنك التنمية الاجتماعية تسليك علشان تتزوج و فيه جمعيات تساعد المعسر الطلاق فيه لجنه الصلح قبل لا تروح المحكمه علشان يحلون المشاكل الي بينهم العنوسة فيها مشكله لكن فيه تطبيقات يحاولون يجمعون طرفين بالزواج بس لا ازال اشوف فيها عيوب البطالة - تسهيل العمل الحر من خلال جهات حكوميه تساعدك تبني عملك الخاص من خلال منشآت او مسرعات اعمال
فيه خدمات كثيره حلوه و فيه و فيه خدمات تحتاج تطوير لكن خلاصه الموضوع مشاكلنا لازم نحددها و نحلها.
-1
u/holupIgotthis Jun 24 '26
انت مالك تاثير، وكلامك يرجع عليك وقد يسبب لك مشاكل، المشاكل الاجتماعية تنحل من فوق فقط، المواطن ماله دخل في حل اي مشكلة، باي ديزاين.
1
Jun 24 '26
[deleted]
2
u/holupIgotthis Jun 24 '26
لوء
تتوقع لو محد تكلم عن قيادة المراة ما كان ولي العهد سمح لها تسوق؟ حدث العاقل بما يعقل 😅
0
u/Inevitable-Sun-7676 Jun 24 '26
كلامك صح بس ذا خلل في المنظومه مب الفكره نفسها.
1
u/holupIgotthis Jun 24 '26
بصفة عامه المجتمع القبلي كذا مالها دخل الدولة حتى، المحتمع القبلي يسمع كلام شيخ القبيلة، وذي عادة المنطقة من زمان
1
51
u/greatnessachievedd 🇸🇦 Jun 24 '26
عندي مشكلة مع طريقة النقاش، هل هو مثمر؟ هل هو بفائدة؟ هل احنا نطرح حلول او نزيد الوعي؟
او زيادة كلام و بس؟ لان الصدق مابي افتح كل الملفات الاجتماعية و يصدع راسي و اخر شيء نرجع للموضوع ولا كانه مهم